Internetā jauns resurss latgalīšu volūdys vuiceišonai

Internetā jauns resurss latgalīšu volūdys vuiceišonai

Roksta autors: portals lakuga.lv

Latgalīšu volūdys apvuiceibai internetā izveiduots jauns resurss – sātyslopa ltgnui.com. Tei dūmuota vysim, kas soka latgalīšu volūdai “nui” aba “jā”. Jaunū resursu veidoj Oduma Mickeviča universitatis (Poznaņa) profesore Nikole Naua i bīdreiba “Latgolys Studentu centrs”.

Sātyslopā pīejami aizdavumi, materiali idejis, kas paliedz vuiceit i popularizēt latgalīšu rokstu volūdu školuos i kursūs. Publicātī materiali bezmoksys pīejami sevkuram interesentam, nūruoda Nikole Naua, atzeimojūt, ka sevkurs teik aicynuots īsyuteit ari poša veiduotūs materialus i tymūs daleitīs ar latgalīšu volūdys školuotuojim. Sātyslopā apkūpuoti ari asūšī vuiceibu leidzekli volūdys vuiceišonuos īspiejai.

Jaunais resurss ir izveiduots CoLing projekta ītvorūs, kura mierkis ir styprynuot “mozuos” volūdys – volūdys, kas nav golvonuo vaļsts volūda i kurys lītoj tikai daļa sabīdreibys. Projekts teik eistynuots nu 2018. leidz 2021. godam, tymā pīsadola augstškolys i sabīdriskuos organizacejis nu Pūlejis, Nīderlandis, Italejis, Meksikys, ASV, nu Latvejis pusis projektā pīsadola bīdreiba “Latgolys Studentu centrs”. Vaira par projektu angļu volūdā var skaiteit sātyslopā colingproject.wordpress.com.

Roksts sagataveits ar Vaļsts regionaluos atteisteibys agenturys finansialu atbolstu nu Latvejis vaļsts budžeta leidzekļu.

Print Friendly, PDF & Email