Aicynoj pīsasaceit prāvesta A. Budžis nūvodpietnīceibys lasejumim Bolvūs

Aicynoj pīsasaceit prāvesta A. Budžis nūvodpietnīceibys lasejumim Bolvūs

Rokstu sagataveja: portals lakuga.lv

Bolvu centraluo biblioteka aicynoj sevkuru interesentu pīsasaceit prāvesta Alberta Budžis pīmiņai veļteitūs nūvodpietnīceibys lasejumūs. Tū mierkis ir veicynuot pietnīku interesi par Bolvu, Viļakys, Ruguoju i Baļtinovys nūvodu kulturviesturiskū izpieti, kai ari popularizēt jau topušus pietejumus par itū apleicīni.

Pīsadaleit lesejumūs aicynoj zynuotnīkus, goreidznīkus, studentus, pedagogus, lokaluos viesturis pietnīkus, bibliotekarus i muzeju darbinīkus. Temu lūks nav īrūbežuots, tys ītver sevkuru pietnīkus interesejūšu jūmu, kas saisteita ar Bolvu, Viļakys, Ruguoju i Baļtinovys nūvodim.

Pravests Alberts Budže (1930–2017) beja aktivs na viņ goreigajā darbeibā, bet ari rūseigs sabīdryskais i kulturys darbinīks, izcyls paguotnis pietnīks, nūvoda viesturis i kulturviesturis apzynuotuojs. Prāvests Alberts Budže par kulturpietnīciskū i sabīdryskū darbeibu apbolvuots ar Latvejis Republikys Kulturys ministrejis Atzineibys rokstu (2000), kai ari sajiems Latgalīšu kulturys goda bolvu “Boņuks 2015” par myuža īguļdejumu latgalīšu kulturā.

Konferencis dorba volūdys byus latvīšu literaruo volūda i latgalīšu, tei nūtiks 2020. gods 28. janvarī Bolvu nūvoda muzejā, bet referentu pīteikumus gaida leidz 7. janvaram. Pīsadaleišona ir bezmoksys. Vaira informacejis baltinava.lv.

Roksts sagataveits projekta “Latgales kultūrtelpa: problēmas, analīze un atspoguļojums portālā lakuga.lv” ītvorūs. Projektu finansej Medeju atbolsta fonds nu Latvejis vaļsts budžeta leidzekļu.

Print Friendly, PDF & Email

Kalenders

Feb
23
Pīk
18:00 Ūtrais čangaļu saīts ci latgalīš... @ Ūzulainis tautys noms
Ūtrais čangaļu saīts ci latgalīš... @ Ūzulainis tautys noms
Feb 23 @ 18:00 – 23:00
23. februarī nu 18.00 da 23.00 stuņžu Ūzulainis tautys nomā nūtiks ūtrais “Čangaļu saīts ci latgalīšu olimpiade”, aicynojūt iz prīceigu i gordu laika pavadeišonu latgaliskā atmosferā. Tei nav tipiska olimpiade, jo tamā varēs: pasasmīt par[...]
Feb
24
Sai
14:00 Koncertizvadums “Atgriežamies La... @ Latvejis Nacionalais teatris
Koncertizvadums “Atgriežamies La... @ Latvejis Nacionalais teatris
Feb 24 @ 14:00 – 16:00
Latgolys cylvāku spāks i humora dzierksts, kai ari vaira nakai 100 nūspālātys “Latgola.lv” izruodis īdrūsynuojušys autorus taiseit koncertizvadumu “Atgriežamies Latgolā”. Itamā kompanejā ir apsavīnuojuši režisors Valdis Lūriņš, komponists Valdis Zilveris, dzīšmu tekstu autors Jānis Peters,[...]