Rokstu sagataveja: portals lakuga.lv

Izdevnīceiba “Madris” izdavuse Manfreda Šnepa-Šneppes gruomotu “Latgale – atspulgi vēstures spogulī”. Tei stuosta na tikai par Latgolu, bet ari par tū, kas nūtyka tai apleik – gon tyvuok, gon tuoļuokā pasaulī, saceits izdevnīceibys sātys lopā.

Gruomotys autors Manfreds Šneps-Šneppe (1935) dzims Rēzeknis nūvoda Drycānu pogostā, jis ir tehniskūs zynuotņu doktors i profesors, juo biografeja īkļauta pasauļa slaveneibu kruojumā “Who is who in the World”. M. Šneps-Šneppe vysod ir aktivi interesiejīs par viesturi i ari publiciejs sovus pietejumus. Publiciejs rokstus par Kārli Balodi i juo dzymtu, gruomotu “Latviešu strēlnieki: Rīgas revolūcija 1917” i cytys.

Gruomotai “Latgale – atspulgi vēstures spogulī” prīškvuordu i piecvuordu pīrakstejs režisors Juoņs Streičs. M. Šneps-Šneppe sovā jaunuokajā gruomotā aptviers plašu Latgolys viesturis pūsmu, suocūt nu aizviesturis i beidzūt ar puordūmom par Latgolys nuokūtni.