Prezentēs izdavumu “100 fakti par Rēzekni”

Prezentēs izdavumu “100 fakti par Rēzekni”

Rokstu sagataveja: portals lakuga.lv

31. julī 13.00 stuņdēs Latgolys Kulturviesturis muzejā nūtiks izdavuma “100 fakti par Rēzekni” attaisiešonys svātki, portalu lakuga.lv informej Latgolys Kulturviesturis muzeja specialists kulturviesturis vaicuojumūs Kaspars Strods.

Rēzeknis piļsāta jau izsenis atsarūn Latgolys vyducī, palīkūt par vīnu nu regiona, kai ari vaļsts mārūga politiskū, ekonomiskū i kulturviesturiskūs nūtikšonu centru. Vairuoku godu symtu garumā jei pīdzeivuojuse daudz dažaidu viesturis nūtikšonu, kuri atstuojuši sovus pādus leidz myusudīnom.

Gruomotā īkļauti 100 interesanti i daudzpuseigi fakti par Rēzekni, kas laseituojus īpazeistynuos ar Rēzeknis piļsātys interesantuokajim objektim, personeibom i nūtikšonom, vīnlaikus dūdūt vareibu izzynuot daudz kū jaunu par vītom, kurys redzīs kasdīniškys i dajiuktys. Jei ir veļtejums trejom lelom jubilejom – Pyrmuo Latgolys kongresa, Latvejis vaļsts proklamiešonys i Rēzeknis atbreivuošonys nu lelinīku symtgadem.

Izdavums taps ar Rēzeknis piļsātys pošvaļdeibys agenturys “Rēzeknes Kultūras un Tūrisma centra” finansialu atbolstu Mazūs kulturys i turisma projektu konkursā i Latvejis Muzeju bīdreibys atbolstu.

Īeja pasuokumā bez moksys.

Sakarā ar vaļstī nūsaceitajim īrūbežuojumim īeja pasuokumā piec īprīkšejis dasasaceišonys. Vītu skaits īrūbežuots. T. 64622464

Kalenders

May
23
Pīk
14:00 Gruomotys “Fotogrāfi Daugavpilī ... @ Daugovpiļs Nūvodpietnīceibys i muokslys muzejs
Gruomotys “Fotogrāfi Daugavpilī ... @ Daugovpiļs Nūvodpietnīceibys i muokslys muzejs
May 23 @ 14:00 – 15:30
Nikolaja Škuta gruomotā “Fotogrāfi Daugavpilī 1920-1940” apsavārtys Daugovpiļs 39 fotografu i fotosalonu kartenis, dagrīžūt viereibu tūs zeimūgim, izmontuotajam fotopapeiram i fotografeju izgataveišonys laikam.
May
24
Sai
12:00 Saimu folkfestivala “Taka” dīnys... @ "Jaunā Teika"
Saimu folkfestivala “Taka” dīnys... @ "Jaunā Teika"
May 24 @ 12:00 – 18:45
Pīsadola: “Garatakas” jaunīšu kapela, folklorys kūpa “Ceiruleits”, folklorys kūpa “Tarkšķi”, Juoņa Ivanova Rēzeknis muzykys vydsškola, folklorys kūpa “Rūžupis veiri”, muzykaluo apvīneiba “Trio Bille”, folklorys kūpa “Skandinieki”, vokalais trio “Kalme”, folklorys kūpa ”Garataka”, Melkutus Party (FIN),[...]