Jaunīšus aicynoj dasasaceit apvuiceibom “Byut latgalīšam ir stileigi”
Rokstu sagataveja: portals lakuga.lv
Kab veicynuotu Latgolā dzeivojūšūs jaunīšu lokalpatriotismu i latgaliskuos identitatis styprynuošonu, jaunīšus aicynoj dasadaleit naformalajom apvuiceibom “Byut latgalīšam ir stileigi”. Tuos organizej bīdreiba “LOBS”.
Bezmoksys apvuiceibuos var dasadaleit jaunīši vacumā nu 13 da 18 godu. Tuos nūtiks nu 17. leidz 20. augustam Rēzeknis nūvoda Drycānūs. Četru dīnu laikā jaunīšim ar interaktivu aktivitašu paleidzeibu byus vareiba styprynuot sovu latgaliskū identitati, radūšajuos darbneicuos īpazeit latgalīšu volūdu i muokslu, kai ari īpazeit vītejuos vidis daudzveideibu i pīvīnuotū vierteibu ekskursejā.
Apvuiceibom “Byut latgalīšam ir stileigi” var dasasaceit da 10. augusta, aizpyldūt dasacejuma anketu ITE.
Apvuiceibu nūlykums daīmams ITE. Tuos finansiali atbolsta Latgolys regiona atteisteibys agentura, Vaļsts kulturkapitala fonds i A/S “Latvijas valsts meži” i Rēzeknis nūvoda Izgleiteibys puorvaļde.
Leidzeigī roksti:
Koncerta “Dzīšmu gruomota” tīšraidi varēs vērtīs portalā lakuga.lv Novembris 4, 2020 
TĪŠRAIDE: koncerts “Dzīšmu gruomota” Novembris 6, 2020 
