Latgalīšu olimpiade i “Vuolyudzāni” nanūtiks

Latgalīšu olimpiade i “Vuolyudzāni” nanūtiks

Roksta autors: portals lakuga.lv

Atcalts 26. septembrī paradzātais skotuvis runys konkurss “Vuolyudzāni” i 20. atkluotuo latgalīšu rokstu volūdys i kulturviesturis olimpiade, portalu lakuga.lv informej organizatoru puorstuove Veronika Dundure.

Atkluotuos latgalīšu rokstu volūdys i kulturviesturis olimpiadis i skotuvis runys konkursa “Vuolyudzāni” mierkis ir veicynuot kulturys vierteibu i izcyluokūs nūvadnīku apzynuošonu školuos, rūsynuot školu jaunatnis interesi par latgalīšu volūdu i kulturviesturi.

Tradicionali obeji pasuokumi nūteik aprelī, itūgod tī beja paradzāti 18. aprelī, tok pandemejis izplateibys deļ tūs puorcēle iz 26. septembri. Jamūt vārā, ka epidemiologiskuo situaceja nav uzalobuojuse i, dūmojūt par školānu drūšeibu, Latgalīšu volūdys, literaturys i kulturviesturis školuotuoju asociaceja pījāmuse lāmumu itūgod pavysam atceļt olimpiadi i skotuvis runys konkursu.

Print Friendly, PDF & Email