“Dabasu Durovys” publicej video dzīsmei “Gorā Seits”

“Dabasu Durovys” publicej video dzīsmei “Gorā Seits”

Rokstu sagataveja: portals lakuga.lv

Daugovpiļs grupa “Dabasu Durovys” 26. septembrī publicēs jaunu studejis albumu ar nūsaukumu “Perimetrs”. Albuma izīšona tiks atzeimuota ar koncertu, grupa ari publiciejuse video dzīsmei “Gorā Seits”, kura īkļauta jaunajā albumā.

“Dzīsme “Gorā Seits” topuse Covid-19 izraiseituos karantinys pošā suokumā, i atainoj ituo čudnuo i napīradzātuo laika pūsma dūmys. Tys lyka vēļreiz puordūmuot, ka nivīna sabīdreibys īkuorta nav myužeiga – škītami naizjaucamū var sagraut vīnā šaļtī,” par dzīsmi soka “Dabasu Durovu” liders Arņs Slobožanins.

Dzīsme īraksteita Eirāra Lipska i Arņa Slobožanina sātys studejuos, tū miksēja Armands Treilihs. Sovukuort video autors ir Pāvels Hnikins.
Dzīsmis klipam izvālāta urbanuo tematika 90. godu nūskaņuos, ari video pasnīgšonys stils izvālāts atbylstūši tymā laika radzātajam VHS formatā.

Grupys jaunuo albuma “Perimetrs” prezentacejis koncerts nūtiks Daugovpiļs muzykys klubā “Artilērijas Pagrabi”, koncerta suokums 22.00 stuņdēs.

Print Friendly, PDF & Email

Kalenders

Jun
15
Sai
all-day Gitys Palmys izstuode “Vilcienu ... @ Roberta Mūka muzejs
Gitys Palmys izstuode “Vilcienu ... @ Roberta Mūka muzejs
Jun 15 all-day
Nu 12. apreļa da 15. juņa Roberta Mūka muzejā Gaļānūs apsaverama muokslineicys Gitys Palmys gleznu izstuode “Vilcienu meitenes stāsts”. Izstuodē apsaveramys i vairuoku godu laika periodā radeituos, i publikai īprīšk naparuodeitys, kai ari pavysam jaunys[...]