Latgaliskuos kulturys viests niu var izzynuot ari “Telegram” kanalā

Latgaliskuos kulturys viests niu var izzynuot ari “Telegram” kanalā

Rokstu sagataveja: portals lakuga.lv

Atsuocūt dorbu, latgalīšu kulturys ziņu portals lakuga.lv paplašynoj darbeibu ari socialajūs teiklūs i niu par latgaliskū kulturu informaceju var izzynuot ari ar socialuos sazinis teikla “Telegram” paleidzeibu.

Sekojūt leidza cytu ziņu portalu darbeibai, ari latgalīšu kulturys ziņu portals lakuga.lv sovim skaiteituojim niu pīduovoj vysa ārtuokajā i dreižuokajā veidā izzynuot informaceju par jaunumim latgaliskajā kulturā ar socialuos sazinis teikla “Telegram” paleidzeibu – portalam niu ir sovs kanals, kuru var abonēt, pīsasekojūt ite: https://t.me/latgaliski. Lakuga.lv kanalā teik publicātys gon portala jaunuokuos viests, gon ari cytys latgaliskuos kulturys aktualitatis i informaceja, kas ar tū saisteita.

Socialuos sazinis lītuotni “Telegram” teleponu lītuotuoji var dabuot sovys telepona operātuojsistemys veikalā bezmoksys. “Telegram” ziņu kanalā publicēt vēsti tīseibys ir viņ administratorim (itymā gadīnī portalam lakuga.lv), leidza ar tū ari paziņuojumi, ka taidi ir izlykti, byus tik tod, kod pasaruodeis jauna viests nu portala. Abonēt latgaliskuos kulturys ziņu kanalu i atsasaceit nu tuo var sevkuru šaļti, kod viņ ir taida gribiešona.  

Ka ir interese izzynuot par “Telegram” vaira, tū var izdareit tehnologeju dīnrokstā kursors.lv ITE.

Atguodynojam, ka latgalīšu kulturys ziņu portala lakuga.lv sagataveitajai informacejai i cytom latgaliskajom viestim var sekuot leidza portala profilūs socialajūs teiklūs:

Facebook: http://facebook.com/lakuga.lv

Twitter: http://twitter.com/lakuga

Instagram: http://instagram.com/voluuda

Print Friendly, PDF & Email

Kalenders

Apr
18
Cat
12:00 Latgolys dīna @ Vacsalīnys muižys piļs
Latgolys dīna @ Vacsalīnys muižys piļs
Apr 18 @ 12:00 – 14:00
Latgolys dīna @ Vacsalīnys muižys piļs
19:00 Grupys “Galaktika” albuma prezen... @ Aizkrauklis kulturys centrs
Grupys “Galaktika” albuma prezen... @ Aizkrauklis kulturys centrs
Apr 18 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]