Latgolys školuos i šūgod nūtiks nūvodvuiceibys i latgalīšu volūdys stuņdis

Latgolys školuos i šūgod nūtiks nūvodvuiceibys i latgalīšu volūdys stuņdis

Sagataveja: portals lakuga.lv

Par tradiceju jau tykušys nūvodvuiceibys i latgalīšu volūdys stuņdis, kas veļteitys Latgolys kongresa godadīnai. Itūreiz, izmontojūt myusu dīnu tehnologeju vareibys, ar školānim Latgolā pazeistami cylvāki sasatiks attuolynuotai, viestej Latgolys kongresa dīnys ituo goda aktivitašu reikuotuoju publicātuo informaceja.

Īcarātuos nūvodvuiceibys i latgalīšu volūdys stuņdis sūluos byut saistūšys. Par sovu darbeibu, uzskotim, latgaliskajom idejom stuosteis etnomuzykologs, radejis žurnalists, pedagogs i postfolklorys grupys „Rikši” vadeituojs Ēriks Zeps. 2020. godā par koncertdarbeibu, albumu „trīp!” i videoklipim “Rikši” ir sajāmuši latgalīšu kulturys goda bolvu „Boņuks”. Atmiņuos par spieļfilmys „Piļsāta pi upis” (scenareja autors i režisors Viesturs Kairišs) rasšonūs kavēsīs Aņša lūmys atveiduotuojs, Leluo Kristapa bolvys laureats, Dāvis Suharevskis. Viesturs Kairišs i spieļfilma „Piļsāta pi upis” izapeļnejuse i „Boņuka” 2020. goda bolvu. Vydsškolānus dzymtuos volūdys i kulturys pīdareibys sajiutai styprynuos žurnaliste i dzejneica Evika Muizniece.

Nūvodvuiceibys i latgalīšu volūdys stuņdis nūteik nu 2017. goda, kod tyka svieteita Latgolys kongresa symtgade, pīmynūt 1917. goda Latgolys latvīšu kongresa gaitu i sprīdumus. Dūdamīs iz školom, Latgolā pazeistami kulturys i sabīdryskī darbinīki, regiona kulturys personeibys kas gods stuosta par Latgolys kongresu, popularizej latgalīšu volūdu, muzyku, tradicejis, tai styprynojūt Latgolys latvīšu pošapziņu, regionalū ideņtitati i paruodūt cīnu viesturyskajim nūtykumim, kas lyka pamatu myusu vaļsts izveiduošonai.

27. aprelī sevkurs školuotuojs kūpā ar školānim ir aicynuots pīsadaleit Latgolys dīnys atzeimuošonā. Īcarātuos stuņdis teik adresātys nūteikta vacuma grupom, tok grybātuoji var pīsadaleit i cytuos, taipat puorejūs Latgolys dīnys pasuokumūs. Laipni prosom izmontuot vareibu tikt boguotuokam! Informaceja par tīšraidem i saitys iz jūs byus atrūnamys Latgalīšu kulturys ziņu portalā lakuga.lv, Latgolys planavuošonys regiona (lpr.gov.lv) i Rēzeknis Tehnologeju akademejis (rta.lv) sātyslopuos i socialūs teiklu kontūs.

Kalenders

Jul
11
Pīk
19:00 Izruode “Mazpiļsāta” @ Saldus Kolnsātys parks
Izruode “Mazpiļsāta” @ Saldus Kolnsātys parks
Jul 11 @ 19:00 – 21:00
“Pannas Teātris” skateituojim pīduovoj izruodi – slovonuokuos myusu dīnu Latgolys lugu autoris Danskovītis jaunuokū komedeju. Izruodis režisors Juris Rijnieks liks akterim Zanei Daudziņai, Aldim Siliņam, Elīnai Vānei, Jānim Skanim voi Jurim Lisneram runuot ari latgaliski[...]
Jul
12
Sai
all-day Rāznys Nacionaluo parka Ceļuotuo... @ Rāznys Nacionalais parks
Rāznys Nacionaluo parka Ceļuotuo... @ Rāznys Nacionalais parks
Jul 12 – Jul 13 all-day
Ar pasuokumu programu var īpasazeit ITE.
15:00 Muokslys pikniks @ Lūznovys muiža
Muokslys pikniks @ Lūznovys muiža
Jul 12 @ 15:00 – 22:00
Lūznovys muižys kompleksā i muižys parkā rodūšuma i garšu meistardarbneicys, izruodis, izstuodis, koncerti, pleners i cytys rodūšuos aktivitatis. Muzicēs: Baļtejis muosys (Latveja/Igauneja/Leitova), UZVARAS BULVĀRIS, NIKA GANGA (Leitova), DALUM (Koreja) i vītejuo grupa “Autobuss debesīs”.