Latgolys regiona medeji sajāmuši MAF projektu konkursa atbolstu raidejumu i rokstu veiduošonai

Latgolys regiona medeji sajāmuši MAF projektu konkursa atbolstu raidejumu i rokstu veiduošonai

Sagataveja: portals lakuga.lv

Nūsaslēdzs Medeju atbolsta fonda (MAF) programys projektu konkurss nacionalūs i regionalūs medeju projektu eistynuošonai, viestej Sabīdreibys integracejis fonda izziņuotuo informaceja. Programā atbaļsteiti 45 projekti, kurūs vydā ari divejis latgalīšu kulturys ziņu portala lakuga.lv īceris, kurys eistynuos bīdreiba “LgSC”.

Konkursā “Regionalūs i vītejūs medeju atbolsta programa”, kurys finansiejums ir nu Latvejis Republikys Kulturys ministrejis daškiertūs leidzekļu, nu 53 projektu dasacejumu atbolstu sajāmuši 45 projekti aba 85 % nu vysu dasaceitūs projektu, sajamūt nūlykumā nūsaceitū minimali vajadzeigū punktu skaitu i atbiļsteibu viertiešonys kriterejim, daīmamū finansiejumu proporcionali sadolūt storp vysim dasacejumim. Kūpā apstyprynuoti projekti 536 886 eiro vierteibā, nu tūs 66 886 eiro daškierti taišni Latgolys regiona medejim, nūdrūsynojūt regiona īdzeivuotuojim kvalitativu i sabīdryski nūzeimeigu politikys, ekonomikys voi kulturys nūtikšonu paruodeišonu i padzilinuotu procesu skaidruojumu.

Projektu dasacejumus piec atbiļsteibys i kvalitatis viertieja komiseja, kuruos vydā beja četri augstškolu puorstuovi (ari nu regionalūs augstškolu), vīns medeju sferys navaļstiskuos organizacejis puorstuovs, kai ari četri vaļsts puorvaļdis instituceju puorstuovi, nu kurūs divejis beja Kulturys ministrejis delegāti puorstuovi, vīns Nacionalūs elektroniskūs plašsazinis leidzekļu padūmis delegāts puorstuovs, taipat vīns Sabīdreibys integracejis fonda puorstuovs vadeja komisejis dorbu, nu viertiešonā i bolsuošonā napīsadaleja.

Kategorejā “Sabīdryski nūzeimeigs saturs” atbolstu sajāmuši itaidi Latgolys regionā eistynuot paradzāti medeju projekti:

  • SIA “Balvu Vaduguns” – Esmu negatīvs! 11379,04 €
  • SIA “Rēzeknes Vēstis” – Viensētu stāsti 14196,44 €
  • SIA “Vietējā” – Latgale ir tā pati Latvija: aktualitātes, sasniegumi un problēmas 14315,41 €
  • SIA “Ludzas Zeme” – Covid-19 – Ludza, Kārsava, Cibla, Zilupe 8158,42 €
  • SIA “Latgales Laiks” – Nevalstiskās organizācijas – sociālais atbalsts Latgalē 11312,55 €
  • Bīdreiba “LgSC” – Latgaliskā kultūrtelpa: problēmas, analīze un atspoguļojums portālā lakuga.lv 12643,08 €
  • SIA “Mediastrims” – Reģionālā reforma Latgalē 1995,53 €

Kategorejā “Latgolys regions” atbaļsteiti:

  • SIA “Balvu Vaduguns” – Par mani, draudziņ, nebēdā 4913,01 €
  • Bīdreiba “Latgolys entuziastu grupa “Biļdis”” – Katram sava laimes poga 5298,38 €
  • SIA “Rēzeknes Vēstis” – Pa dzīvi – ar dziesmu/deju 5290,92 €
  • SIA “Vietējā” – Latgolys daudzveideiba: volūda, tradicejis i cylvāki (Latgales daudzveidība: valoda, tradīcijas, cilvēki) 5267,21 €
  • SIA “Ludzas Zeme” – Latgales kultūras mantojums 2021 5276,80 €
  • SIA “Latgales Laiks” – Latgale – atgriešanās vidusceļš! 4378,92 €
  • SIA “Ef-Ei” – Latgale 900 sekundēs (Latgola 900 sekundēs) 5281,07 €
  • SIA “Divu krastu radio” – Radioraidījums “Sarunas par Latgali…, un ne tikai” 5290,30 €
  • Bīdreiba “LgSC” – VĪTA 4822,52 €
  • SIA “Radio 1” – Raidījumu cikls “Latgale krustpunktos” 5219,80 €
  • SIA “Latgales Reģionālā televīzija” – Lobs ar lobu sasatyka… 5300,36 €
  • SIA “Mediastrims” – Biznesa iespējas Latgalē 5299,14 €
  • SIA “Alise Plus” – Par administratīvi teritoriālo reformu Latgalē, 5228,87 €

Bīdreibai “LgSC” projektu konkursā atbaļsteiti diveji projekti, kurī tiks eistynuoti car Latgalīšu kulturys ziņu portala lakuga.lv platformu. Projektā “Latgaliskā kultūrtelpa: problēmas, analīze un atspoguļojums portālā lakuga.lv” paradzāts sagataveit saturu latgalīšu rokstu volūdā, kas paleidzēs styprynuot i atteisteit izpratni i zynuošonys par latgaliskū kulturtelpu. Projektā tiks sagataveiti 44 roksti, intervejis, pietejumi i skaidruojumi taiduos rubrikuos kai “Lakuga.lv vaicoj”, “Lakuga.lv pietej”, “Pa latgalīšu pādim” i “Īpazeisti latgalīšu volūdu”, taipat pyrmū reizi tiks taiseitys latgaliskuos kulturys viests video formatā, paradzūt sešu raidejumu publiciešonu. Portala sagataveitī roksti sešys reizis byus publicāti ari laikrokstā “Vietējā Latgales Avīze” i treis reizis žurnalā “A12”. Projekta eistynuošona sūpluok sabīdreibys informiešonai i izgleituošonai par latgaliskuos kulturytelpys vaicuojumim, ļaus stabilizēt, styprynuot i atteisteit ari poša portala darbeibu. Projektā īsaisteita vysa portala lakuga.lv redakceja – redaktore Sandra Ūdre, žurnaliste Sintija Augustova, kai ari žurnaliste i socialūs medeju redaktore Edeite Husare.

Ūtrys MAF apstyprynuotais bīdreibys “LgSC” projekts i portala lakuga.lv komandys raudzeišona paplašynuot portala darbeibu. Projektā “VĪTA” portals raudzeis skaidruot, kaidys izmainis Latgolys regionā ness jaunuo administrativi teritorialuo reforma taišni regiona mozajom vītom. Tys tiks dareits car trejim video raidejumim i rokstu sereju kai portalā lakuga.lv, tai ari žurnalā “A12”.

Print Friendly, PDF & Email

Nūtikšonu kalendars

Sep
24
Pīk
18:00 “Dailes Kanona” pyrmais koncerts... @ Latgolys viestnīceiba "GORS"
“Dailes Kanona” pyrmais koncerts... @ Latgolys viestnīceiba "GORS"
Sep 24 @ 18:00
"Dailes Kanona" pyrmais koncerts - veļtejums Bronislavai Martuževai @ Latgolys viestnīceiba "GORS"
Nu 3. augusta Dailis teatris aicynoj iz septeņu koncertu cyklu “Dailes Kanons”, kuruo pyrmajā koncertā izskanēs veļtejums Bronislavai Martuževai aktrisis Olgys Dregis skaiteitajā dzejā i pianista Edgara Cīruļa spālātajā Imanta Kalniņa muzykā. “Dailes Kanons” ir[...]
Oct
2
Sai
18:00 Grupys “Baltie lāči” koncertprog... @ Krustpiļs Kulturys noms
Grupys “Baltie lāči” koncertprog... @ Krustpiļs Kulturys noms
Oct 2 @ 18:00
Grupys "Baltie lāči" koncertprograma "Tirgus stāsti" @ Krustpiļs Kulturys noms
Grupa “Baltie lāči” aicynoj iz jaunu koncertprogramu “Tirgus stāsti”. Itymā naparostajā tiergā ir vareiba saklauseit i izjust vysu, kū sirds gryb – gon dzīsmis i dzeju, gon smīklus i osorys. Ar dzīsmem i dzeju izdaiļuots,[...]
19:00 Gundegas Rancānes gleznu izstuod... @ Latgolys Kulturviesturys muzejs
Gundegas Rancānes gleznu izstuod... @ Latgolys Kulturviesturys muzejs
Oct 2 @ 19:00
Gundegas Rancānes gleznu izstuode "Klātesot" @ Latgolys Kulturviesturys muzejs
Laikā nu 8. septembra leidz 2. oktobram Latgolys Kulturviesturis muzejā var apsavēr pavasarī Covid-19 īrūbežuojumu dieļ atcaltū muokslinīcis Gundegys Rancānis gleznu izstuodi “Klātesot”. Izstuode atspīgeļoj G. Rancānis vierteibys gleznīceibā, kur vysu leluokuo nūzeime ir koloritam,[...]
Oct
3
Svā
17:00 Grupys “Baltie lāči” koncertprog... @ Latgolys viestnīceiba "GORS"
Grupys “Baltie lāči” koncertprog... @ Latgolys viestnīceiba "GORS"
Oct 3 @ 17:00
Grupys "Baltie lāči" koncertprograma "Tirgus stāsti" @ Latgolys viestnīceiba "GORS"
Grupa “Baltie lāči” aicynoj iz jaunu koncertprogramu “Tirgus stāsti”. Itymā naparostajā tiergā ir vareiba saklauseit i izjust vysu, kū sirds gryb – gon dzīsmis i dzeju, gon smīklus i osorys. Ar dzīsmem i dzeju izdaiļuots,[...]
Oct
7
Cat
19:00 Grupys “Baltie lāči” koncertprog... @ Reiga, VEF Kulturys piļs
Grupys “Baltie lāči” koncertprog... @ Reiga, VEF Kulturys piļs
Oct 7 @ 19:00
Grupys "Baltie lāči" koncertprograma "Tirgus stāsti" @ Reiga, VEF Kulturys piļs
Grupa “Baltie lāči” aicynoj iz jaunu koncertprogramu “Tirgus stāsti”. Itymā naparostajā tiergā ir vareiba saklauseit i izjust vysu, kū sirds gryb – gon dzīsmis i dzeju, gon smīklus i osorys. Ar dzīsmem i dzeju izdaiļuots,[...]