Ailis, vītys i volūda aba ostoni “Instagram” konti latgaliski
Rokstu sagataveja: portals lakuga.lv
Koč i socialūs teiklu, tymā skaitā ari “Instagram”, pasauļs ir miļzeigs, kaidu šaļteņu pameklejūt, izadūd atrast ari vairuokus interesantus “Instagram” kontus, kuru saturs pastuoveigi teik taiseits latgaliski. Lai nav juotierej daudz laika taidus meklejūt, portals lakuga.lv ir apkūpuojs dažus latgaliskūs “Instagram” kontus, kurūs var atrast gon ailis, gon nūdereigu informaceju, gon ari baudeit estetiskys fotografejis ar parokstim latgaliski.
@dagneja_i_dzeja ir konts, kurā var skaiteit ailis, kas kasdīnā pīraksteitys iz pīzeimu lapeņom. Vaira par pošu Dagneju var puorskaitei lakuga.lv intervejā ITE.
View this post on Instagram
Ka vaicoj piec estetisku kadru i muokslinīcisku biļžu, ej iz @muna_muoksla “Instagram” kontu!
View this post on Instagram
@mygluojs ir kasdīnys šaļtenis, kū papyldynoj dažys dzejis ailenis.
View this post on Instagram
@muokulhaiku Šmukys biļdis ar haiku dzejūlim trejuos volūduos – latvyski, latgaliski i lītaunīku volūdā.
View this post on Instagram
Ka pošam nav laika apceļuot Latveju, dabuot prīškstotu par Latvejis piļsātom i dobu var apsavērt @celuotuoja “Instagram” kontā.
View this post on Instagram
Kontā @muni_sutri var sekuot leidza dzeivei Sutrūs i tūs apleicīnē, cīši labi īpazeistūt vīnu Latgolys vītu.
Vēļ vaira informacejis par vysaidom Latgolys vītom var īgiut i virtuali apceļuot Latgolu caur @latgola sagiutajom šaļteņom.
View this post on Instagram
Ka gribi izzynuot vaira par latgalīšu volūdu i dazynuot jaunumus latgalīšu kulturā, pīsekoj ari poša portala lakuga.lv “Instagram” kontam @voluuda.
View this post on Instagram
