Latgaliskuos kulturys viests #3: nūtikšonys julī

Latgaliskuos kulturys viests #3: nūtikšonys julī

Sagataveja: portals lakuga.lv

Portals lakuga.lv video raidejuma “Kulturys viests” formatā turpynoj atsavērt iz latgaliskuos kulturys nūtikšonom īprīškejā mienesī, itūreiz juļa nūtikšonys. Trešajā video raidejumā par 2022. gods Latgolys kongresa izsludynuošonu, cīmu zeimem latgaliski Cyblys apleicīnē, Sylajuoņu/Feimaņu tautystārpu i cytom nūtikšonom.

Juļa nūtikšonys, par kurom viesteits raidejumā:

  • Izziņuots 2022. goda Latgolys kongress
  • Cyblys apleicīnē pastateitys cīmu rūbežu zeimis latgaliski
  • Nūsaverams video ceļveds par latgalīšu volūdu angliski
  • Juram Ostrovskim izguojs videoklips dzīsmei “Vacuoku sāta”
  • Sataiseita dokumentaluo kina par akmiņs ols dareišonys tradiceju
  • Skaniešonu īsuocs multimedials vidis objekts “Savpatība”
  • Prezentāts Sylajuoņu/Feimaņu tautystārps
  • Šmakovkys muzejs Daugovpilī nūsvietiejs pīcu godu jubileju
  • Dzīsmineicai Džeinai Gavarei izguojs ūtrais albums

Itys jau ir trešais video raidejums par latgaliskuos kulturys nūtikšonom īprīškejā mienesī. Raidejuma vadeituojs ir kinys “Piļsāta pi upis” golvonuos, Aņša lūmys atveiduotuojs Dāvis Suharevskis.

Portalam lakuga.lv ir plans ir itaida formata viests gataveit reizi mienesī – tys cikom byus īspiejams sešūs raidejumūs. Ziņu satura redaktore, portala lakuga.lv atteisteibys vadeituoja Edeite Husare soka: “Apsazynojūt, ka pi izvēlis skaiteit viests latvīšu literarajā volūdā voi latgaliski, vys tei gribiešona nav latgalīšu rokstu volūdys vierzīnī, bet video formats i eisa hronometraža ir veids, kai par latgaliskuos kulturys nūtikšonam varim izstuosteit plotuokai auditorejai, nūturūt tuos uzmaneibu.”

Kulturys ziņu eistynuošona ir projekta “Latgaliskā kultūrtelpa: problēmas, analīze, atspoguļojums portālā lakuga.lv” daļa, tū finaņsej Medeju atbolsta fonds nu Latvejis vaļsts budžeta leidzekļu. Par raidejuma saturu atbiļd latgalīšu kulturys ziņu portals lakuga.lv. Cikom īcarāti seši ziņu raidejumi, bet tiks maklātys īspiejis, lai itaida formata viests varātu turpynuot ari iz prīšku.

Portala lakuga.lv komanda soka paļdis par atsauceibu i atbolstu ziņu sataiseišonā raidejuma vadeituojam Dāvim Suharevskim, video operatoram i montažys režisoram Sergejam Čakānam, grafiku veiduotuojam Krišjānim Pleiko (Upes kinostudija) i Ivo Grigalim nu grupys “Latgalīšu Reps”.

Print Friendly, PDF & Email

Nūtikšonu kalendars

Sep
29
Pīk
16:00 Rotko muzeja kruojuma izstuodis ... @ Daugovpiļs Marka Rotko muokslys centrs
Rotko muzeja kruojuma izstuodis ... @ Daugovpiļs Marka Rotko muokslys centrs
Sep 29 @ 16:00 – 17:00
Pīktdiņ, 29. septembrī, 16.00 stuņdēs Daugovpiļs Marka Rotko muokslys centrā, iz prīšku – Rotko muzejā, sūpluok muokslinīka Marka Rotko originalu ekspozicejai tiks atkluota kruojuma izstuode “Nr. 2 [Bez nosaukuma]”. Kruojuma izstuodei izvālāti muokslys dorbi, kas[...]
19:00 Aijis Rimšys pīminis koncerts “Z... @ Latgolys viestnīceiba "Gors"
Aijis Rimšys pīminis koncerts “Z... @ Latgolys viestnīceiba "Gors"
Sep 29 @ 19:00 – 21:00
Latgolys rūženis, dzīduotuojis i dzīšmu autoris Aijis Rimšys myusu vydā nav jau ostoņpadsmyt godu, tok juos dzīsmis dzeivoj i skaņ. Desmit muzykalajūs godūs – deveni dzīšmu albumi! Taids ir montuojums, kurū mums pamatuse Aija Rimša,[...]