Sīvītis latgalīšu rakstnīceibā, paleidziešonys vierteiba i muzykys breinumi – jaunuo žurnala “A12” stuosti

Sīvītis latgalīšu rakstnīceibā, paleidziešonys vierteiba i muzykys breinumi – jaunuo žurnala “A12” stuosti

Rokstu sagataveja: portals lakuga.lv

Izguojs žurnala “A12” oktobra/novembra numers, kurā intervejis ar kai ar Bolvu Muzykys školys direktoru Egonu Salmani, bīdreibys “Viegli palīdzēt” breivpruoteigū Aiju Mežali, roksts par sīvītem latgalīšu rakstnīceibā i cyti stuosti.

Žurnala redaktore Ināra Groce redaktoris slejā, īvodūt stuostus par jaunuokuo žurnala numera saturu, soka: “Žurnala varūni analizej ciļviecyskūs vierteibu eistynuošonys vajadzeibu, eipaši itymā sferā dorbojās Aija Mežale, paužūt atbolstu sābru vaļsts demokratejis ceineituojim. Tī preteimā aizkadra cylvāks Sergejs Čakāns viertej sabīdryskuos nūrisis, turūt, ka izagleituošona ir ari uzskotu i rakstura uzlobuošona. Bet – kai sabīdreibai kūpumā vadās, paruoda muoksla, rūsynojūt dūmuot par svareigu izaškieršonu vīnā ci ūtrā vierzīnī.”

Oktobra/novembra žurnalā “A12” skaitit:

  • deļkuo juoīsasaista Boltkrīvejis atbaļsteišonā – saruna ar bīdreibys “Viegli palīdzēt” breivpruoteigū Aiju Mežali;
  • aizkadra cylvāks Sergejs Čakāns – seve mekliejumi i īškejuo gruzdiešona;
  • “Aiz myužeibys vuortu vysi vīnaidi” – veļu laika saruna ar Bekšu kopu puorzini Galinu Filipovu;
  • par breinumim, kū padora muzyka – saruna ar školuotuoju, pyutieju orkestru dirigentu, Dzīšmu svātku viersdirigentu i Bolvu Muzykys školys direktoru Egonu Salmani;
  • sīvīte latgalīšu rakstnīceibā;
  • metalmuokslinīks “nu vikingu laiku” – Valērijs Konstantinovs;
  • rubrikā “Mākslas sarunas” gleznuotuoja Ilze Orinska;
  • izaruod, ka sieņs var laseit vysu godu;
  • ceļuojums pa Maltys upi turpynojās i daudzi cyti stuosti.

Taipat itymā žurnala “A12” numerī var puorskaiteit latgalīšu kulturys ziņu portala lakuga.lv sagataveitū stuostu par administrativi teritorialū reformu i nu jau bejušū Baļtinovys nūvodu tymā vysā. Portala komanda gasteja pi baļtinavīšu, dreiži sasatikšona byus nūsaverama ari video formatā. Kai vysod žurnala stuostu sagataveišonā īsasaistejuse ari portala komanda – ar operatoru i montažys režisoru Sergeju Čakānu sasarunuoja portala socialūs teiklu redaktore, ari žurnaliste Edeite Husare, bet pīcūs filologejis doktora nu Pūlejis Pītera Greblūna vāruojumus par volūdu i Latgolu i  stuostu par sīvītem latgalīšu rakstnīceibā atkluoj portala redaktore Sandra Ūdre. Taipat kai īrosts, ari itūreiz Edeite i Sandra sagatavejušys jaunuokūs gruomotu i muzykys izdavumu apskotu.

Atguodynojam, ka suokusēs ari žurnala “A12” aboniešona 2022. godam. Ari iz prīšku žurnals ir vareiba izzynuot par dzeivi i ļaudim Latgolā i pasaulī, puorskaiteit dažaidus dzeivisstuostus, pīsadaleit viesturiskūs ceļuojumūs laikā i telpā, kai ari byut atkluojumu i puordzeivuojumu dalinīkim. Vaira par vareibu abonēt voi nūpierkt žurnalu ite: https://a12.lv.

Print Friendly, PDF & Email

Nūtikšonu kalendars

Nov
30
Tre
vysu dīnu Izstuode “Trīs no “Osīšiem”” @ Latgolys Centraluo biblioteka
Izstuode “Trīs no “Osīšiem”” @ Latgolys Centraluo biblioteka
Nov 30 vysu dīnu
Leidz 30. novembram Latgolys Centraluos bibliotekys Daiļliteraturys sektorā apsaverama Guru saimis gleznu izstuode “Trīs no “Osīšiem”. Ekspozicejis autoris dažu godu laikā kruoja muokslys dorbus, nu kurūs daudzi jau ir sajāmuši atzineibu ari cytuos izstuodēs. Skateituojam[...]