Rokstu sagataveja: portals lakuga.lv

Tautys muzykantu bīdreiba ir īsuokuse projektu “Iepazīsti un mācies spēlēt bubynu!!!”, da ituo gods beigu tiks izveiduota eipaši bubynam veļteita sātyslopa. Jamā plānoj apkūpuot i īlikt informaceju par bybyna individualajim spālātuojim i muzykantu grupom, kuramuos spēlej bubynu, informej Tautys muzykantu bīdreiba.

2017. godā ramys bungys (mazās bundziņas Vydzemē; sietiņš Kūrzemē; bubyns, buņdzeņa, mozuo bubna, mozuos buņdzenis Latgolā) tyka īkļautys Namaterialuos kulturys montuojuma sarokstā kai saglobojama i tuoļuok nūdūdama kulturys vierteiba.

Tautys muzykantu bīdreiba grib apzynuot, cik daudz bubyna spālātuoju ir Latvejā. Partū, ka ari tu spēlej itū instrumentu individuali voi esi kaidā nu muzykantu grupu, bīdreiba lyudz atsasaukt, atsyutūt aizpiļdeitu anketu, fotografeju ci video īrokstu, kur esi radzams spēlejūt bubynu, iz e-postu bubyns2021@inbox.lv. Anketā prosa nūruodeit individualuo muzykanta vuordu, uzvuordu, dzimšonys godu voi muzykantu grupys nūsaukumu, dybynuošonys godu.

Anketu var zamynluodēt ITE.

Viestulis bīdreibā gaideis da 10. decembra, par uzticātūs datu aizsardzeibu vīnuosīs privati. Vaicuojumus var aizdūt Tautys muzykantu bīdreibys vadeituojai Ivetai Dukaļskai, t. 20019452.

Ka pats naspēlej instrumentu, a varbyut zini kaidu, kas muok spēlēt bubynu, lyudzu, nūdūd itū ziņu bīdreibai.