Žurnala “A12” jaunajā numerī sarunys ar Mārtiņu Eihi i Laimu Kotu

Žurnala “A12” jaunajā numerī sarunys ar Mārtiņu Eihi i Laimu Kotu

Rokstu sagataveja: portals lakuga.lv

Izguojs žurnala “A12” decembra/janvara numers, kurā itamā reizē sarunys ar Rēzeknis teatra “Joriks” muokslicīniskū vadeituoju Mārtiņu Eihi, kurs ir ari žurnala vuoka varūņs, rakstneicu Laimu Kotu, izzynuošona vaira par Vuorkovu, īpasazeišona ar “Jašys pūdim” i cyti Latgolys stuosti.

Žurnala redaktore Ināra Groce redaktoris slejā, īvodūt stuostus par jaunuokuo žurnala numera saturu, soka, ka itamā numerī nasteidzeigys sarunys ar tuoļuoku apsavieršonu viers īrostuo i kasdīnys. “Naatkareigi nu tuo, voi dzeivojam nu mežu atkaruotā solā, suitu golvyspiļsātā Alsungā voi Turcejis metropolē, žurnala “A12” varūni nasasteidz ar kaidu redzīņu izsaceišonu pyrma treis reizis nūmierejuši. Kūpā myus vīnoj vuori pavedīni, smolki dīdzeni sirdis datur taišni ite.”

Decembra/janvara žurnalā “A12” skaitit:

  • voi Rēzeknis teatra “Joriks” režisors Mārtiņš Eihe piec izruodis izvaduma “Mans kaimiņš ebrejs” jiutās kai revolucionars i voi teatri tur par vīnu lelu saimi;
  • diskuseja ar Naujinis īdzeivuotuojim – kaidys puormainis nas administrativi teritorialuo reforma;
  • Turcejis vēsmis – interveja ar rakstniecu Laimu Kotu (Muktupāvelu): “Vajadzeiga lānpruoteiba, nasteidzeiga reiceiba, nasasteigt ar kaidu redzīņu izsaceišonu, vysa pyrma treis reizis nūmēreit.”
  • par dorba vierteibu, īdviesmi, digitalūs tehnologeju lūmu muokslys pasaulī – saruna ar metalmuokslinīku Andri Silapēteri;
  • Daugovpiļs leluokuo fane – Ilona Bagele – pasadola ar sovim nūvāruojumim par dorbu i dzeivi pandemejis apstuokļūs;
  • Latgola kai Eiropys kulinaruo montuojuma centrs – stuosta Kruoslovys nūvoda Turisma informacejis centra vadeituoja Tatjana Kozačuka;
  • kaidys plykspuorneišu sugys dzeivoj Lūznovys muižā;
  • emoceju “Jašas podi” i tūs radeituoja keramike Kristīne Nicmane;
  • kai itymā nadrūseibys, puorprastuos i agresivuos komunikacejis laikā atrast sovus ceļa ruodeituojus – Ilzis Vugulis atzinis;
  • suitu dzeive, Vuorkovys apvuoršni, latgalīšu humors rakstnīceibā i cyti stuosti.

Taipat itymā žurnala “A12” numerī var puorskaiteit latgalīšu kulturys ziņu portala lakuga.lv sagataveitū stuostu par administrativi teritorialū reformu i Naujeni tymā, kai ari kai vysod žurnala stuostu sagataveišonā īsasaistejuse ari portala komanda –par humoru latgalīšu rakstnīceibā stuosta portala redaktore Sandra Ūdre. Taipat kai īrosts, ari itūreiz portala komandys sagataveitais jaunuokūs gruomotu i muzykys izdavumu apskotu.

Atguodynojam, ka turpynojās ari žurnala “A12” aboniešona 2022. godam. Ari iz prīšku žurnals ir vareiba izzynuot par dzeivi i ļaudim Latgolā i pasaulī, puorskaiteit dažaidus dzeivisstuostus, pīsadaleit viesturiskūs ceļuojumūs laikā i telpā, kai ari byut atkluojumu i puordzeivuojumu dalinīkim. Vaira par vareibu abonēt voi nūpierkt žurnalu ite: https://a12.lv.

Print Friendly, PDF & Email

Nūtikšonu kalendars

Oct
3
Ūtr
19:00 Foto orientiešonuos “Vokora styga” @ Esplanade
Foto orientiešonuos “Vokora styga” @ Esplanade
Oct 3 @ 19:00 – 21:00
Latgalīšu kulturys kusteiba “Volūda” 3. oktobrī aicynoj studentus i tūs, kas vēļ sirdī jiutās studenti, īpazeit Reigys latgaliskuos vītys i pīsadaleit foto orientiešonuos pasuokumā “Vokora styga”.   Kab varātu pīsadaleit “Vokora stygā”, juoizveidoj komanda 2[...]
Oct
4
Tre
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Oct 4 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
Oct
5
Cat
12:00 Konference “Kultūra reģionos: ie... @ Latgolys viestnīceiba "Gors"
Konference “Kultūra reģionos: ie... @ Latgolys viestnīceiba "Gors"
Oct 5 @ 12:00 – Oct 6 @ 17:00
5.- 6. oktobrī Latgolys viestnīceiba “Gors” sadarbeibā ar Latvejis Kulturys akademejis Kulturys i muokslu institutu aicynoj iz konferenci “Kultūra reģionos: iespējas, izaicinājumi un perspektīvas”. Konferencis mierkis ir atsavērt i izviertēt, kai leidz ar regionalūs koncertzāļu[...]
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Oct 5 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]