Aicynoj iz nūvodpietnīceibys lasejumim prāvesta Alberta Budžis pīmiņai

Aicynoj iz nūvodpietnīceibys lasejumim prāvesta Alberta Budžis pīmiņai

Rokstu sagataveja: portals lakuga.lv

Gūdynojūt prāvesta Alberta Budžis (1930–1957–2017) atceri, Bolvu Centraluo biblioteka aicynoj pietnīkus pīsadaleit “Novadpētniecības lasījumos prāvesta Alberta Budžes piemiņai”. Tēmu lūks nav īrūbežuots, jis ītvar sevkuru pietnīku interesejūšu jūmu, kurys izpietis teritoreja ir Bolvu nūvods, informej Bolvu Centraluos bibliotekys bibliografe nūvodpietnīceibys laseitovā Sarmīte Vorza.

Lasejumu mierkis ir veicynuot pietnīku interesi par Bolvu nūvoda kulturviesturiskū izpieti, kai ari popularizēt jau topušus pietejumus par itū arealu. Pīsadaleit lasejumūs teik aicynuoti zynuotnīki, goreidznīki, bakalaura ci magistranturys studenti, pedagogi, lokaluos viesturis pietnīki, bibliotekari, muzeju darbinīki. Daleiba lasejumūs ir sevkura personiska iniciativa.

Lasejumi nūtiks 2022. gods 26. janvarī. Jimūs pīsadaleit varēs, īsarūdūt kluotīnē Bolvu Nūvoda muzejā (Bolvūs, Breiveibys īlā 46) ci ari dasaslādzūt attuolynuoti, izmontojūt tīšsaistis platformu “Jitsi”.

Dasasaceit daleibai var, aizpyldūt elektroniskū registracejis formu ITE da 2022. gods 9. janvara. Lasejumu nūlykums ITE. Vaicuojumu i naskaidreibu gadejumā raksteit sarmite@balvurcb.lv.

Bolvu Centraluos bibliotekys sātyslopā ir apkūpuoti materiali nu īprīškejūs A. Budžei veļteitūs lasejumu i informaceja par cytom bibliotekys reikuotom nūvodpietnīceibys konferencem ITE. Ari itūs lasejumu ziņuojumu prezentacejis, ar autoru atļuovi, tiks publicātys Bolvu Centraluos bibliotekys sātyslopys konferenču sadaļā.

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]