Nūtiks Latvīšu viesturiskūs zemu i kulturtelpu atteisteibys plana izstruodis seminari

Nūtiks Latvīšu viesturiskūs zemu i kulturtelpu atteisteibys plana izstruodis seminari

Rokstu sagataveja: portals lakuga.lv

Kulturys ministreja i Latvejis Nacionalais kulturys centrs (LNKC) aicynoj Latvejis vaļsts institucejis, pošvaļdeibys i navaļstiskuos organizacejis īsasaisteit Latvīšu viesturiskūs zemu i kulturtelpu plana izstruodē. Kai informej LNKC puorstuovi, 21. janvarī nūtiks Latgolai veļteits tīšsaistis seminars, kurā interesenti tiks īpazeistynuoti ar lykuma plana mierkim, kai ari aicynuoti snēgt sovys idejis plana izstuodē.

Kūpā nūtiks pīci seminari, kotrys veļteits nūteiktai viesturiskajai zemei: 18. janvarī – Zemgalei, 20. janvarī – Sielejai, 21. janvarī – Latgolai, 25. janvarī – Kūrzemei, 26. janvarī – Vydzemei i Reigai. Dasasaceit īspiejams leidz 17. janvaram. Vaira informacejis par seminarim i dasacejuma anketu īspiejams apsavērt ITE.

Vēļ leidz 15. janvaram sevkuram ir īspieja padūt sovus prīšklykumus Latvīšu viesturiskūs zemu i kulturtelpu atteisteibys plana izstruodei, pīsadolūt ideju tolkā i aizpyldūt anketu ITE. Anketa sastuov nu treju daļu – poša prīšklykuma voi īceris, ziņom par tuos eistynuošonu i informacejis par dasaceituoju (kab plana veiduotuoji vajadzeibys gadīnī varātu sasazynuot i precizēt anketā nūruodeitū informaceju).

2021. goda 1. julī stuojīs spākā jaunais Latvīšu viesturiskūs zemu lykums, kuruo mierkis ir veicynuot latvīšu viesturiskūs zemu dzeivuotuoju kūpejū apziņu, identitati i pīdareibu, kulturtelpu saglobuošonu i ilgtspiejeigu atteisteibu.

Print Friendly, PDF & Email

Nūtikšonu kalendars

May
20
Pīk
19:00 Artura Skuteļa lelkoncerts “Jā” @ koncertzale "Palladium"
Artura Skuteļa lelkoncerts “Jā” @ koncertzale "Palladium"
May 20 @ 19:00 – 22:00
20. majā Reigā, koncertzalē “Palladium” nūtiks latvīšu hip-hopa muzika Artura Skuteļa lelkoncerts i jaunuo albuma “Jā” prezentaceja. Kai lelkoncerta eipašuo gaška ar sovu soloprogramu iz skotuvis kuops ari latgalīšu repere Ūga, kuruos 2020. godā izdūtais[...]