Izveiduota jauna sātyslopa par bubynu

Izveiduota jauna sātyslopa par bubynu

Rokstu sagataveja: portals lakuga.lv

Tautys muzykā jauns gods īsasuocs ar prīceigu ziņu – izveiduota jauna sātyslopa par ramys bungom aba bubynu skaniarmani.lv, informej Tautys muzykantu bīdreibys puorstuove Maija Upeniece. Bīdreibā ir realizāts projekts “Iepazīsti un mācies spēlēt bubynu!”, kurā apzynuoti bubyna spālātuoji i izgataveituoji, sovpus sātyslopā sevkurs var vuiceitīs spielēt bubynu.

Niu bubyna spēli var vuiceitīs patstuoveigi, sekojūt video pavuiceibom. Sātyslopys apmaklātuoji poši var izmieginuot, kai skaņ dažaidu instrumentu salykums kūpā ar bubynu, par pīmāru, bubyns i garmoška voi bubyns, vejūle i garmoška. Projekta ītvorūs ir apzynuoti i bubyna spēlis pratieji – individualī muzykanti i muzykantu grupys, i izgataveišonys meistari i instrumentu izgataveišonys tehnikys. Sātyslopa skaniarmani.lv teik papyldynuota i uzlobuota, taipat vys vēļ teik gaideiti bubyna muzykanti, kurī da šam vēļ nav atsasaukuši.

Ka agruok bubynu īsavuiceja spielēt saimē, tod myusu dīnuos bubyna spēle ir mierktīceigai juosagloboj, eipaši tuos viesturiskajuos formuos. 2017. godā bubyns tyka īkļauts Namaterialuos kulturys montuojuma sarokstā kai saglobuojama i tuoļuok nūdūmama kulturys vierteiba. Ramys bungu (bubyna, bundzeņu, mozuo bubna (Latgolā), mozūs bundzeņu (Latgolā, Vydzemē), sīteņa (Kūrzemē)) lītuošona dažaidūs tautys muzykys grupu sastuovūs niu ir palics daudz aktualuoks nakai pyrma 10–20 godim, tok muzykantim ir napīteikamys zynuošonys i prasmis instrumenta spēlis tradicionalajā tehnikā i manīrē, kai ari tryukst zynuošonu par instrumenta īspiejamū lītuojumu cytūs, natradicionalajūs muziciešonys sastuovūs.

Tautys muzykantu bīdreiba ar tautys muzykys tradiceju izpieti i populariziešonu nūsadorboj jau 16 godus. Bīdreibys vadeituoja Iveta Dukaļska tautys muziciešonys i ar tū saisteitūs tradiceju pietnīceibu veic jau nu 2001. goda, kas ir pamats ari bakalaura, magistra i doktora studejom. Sovpus Zane Dukaļska, izmontojūt privatūs tautys muzykys arhiva materialus i veicūt padzilinuotu pietejumu, ir izstruoduojuse magistra dorbu par bubyna tradiceju Latgolā, iz tuo baļsteita ari sātyslopā īvītuotuo informaceja.

Projekta “Iepazīsti un mācies spēlēt bubynu” rezultatā izveiduotajā sātyslopā skaniarmani.lv iz prīšku Tautys muzykantu bīdreiba aktualizēs informaceju i apvuiceibu īspiejis digitalajā vidē gon vuicūtīs bubyna spēli, gon dziļuok īpazeistūt cytus tautys muzykys instrumentus i tradicejis, gon aicynojūt īsasaisteit meistarklasēs i tautys muzykys pasuokumūs.

Projektu eistynuoja Tautys muzykantu bīdreiba sadarbeibā ar SIA “Media Runner” i individualajim instrumenta spēlis pratiejim i instrumentu izgataveituojim-meistarim, tū atbaļsteja Vaļsts Kulturkapitala fonds.

Print Friendly, PDF & Email

Nūtikšonu kalendars

May
17
Ūtr
15:00 Maja dzīduojumi pi krysta @ Ūzulainis krysts
Maja dzīduojumi pi krysta @ Ūzulainis krysts
May 17 @ 15:00 – 16:00
Maja dzīduojumi Dīvmuotis gūdam kūpā ar Ūzulainis Tautys noma folklorys kūpu “Zeiļa”.
16:00 Maja dzīduojumi pi krysta @ Pleikšņu krysts
Maja dzīduojumi pi krysta @ Pleikšņu krysts
May 17 @ 16:00 – 17:00
Maja dzīduojumi Dīvmuotis gūdam kūpā ar Ūzulainis Tautys noma folklorys kūpu “Zeiļa”.
May
18
Tre
15:00 Lienītis Slišānis izstuodis “Uzd... @ Latvejis Nacionaluo teatra Jaunuo zale
Lienītis Slišānis izstuodis “Uzd... @ Latvejis Nacionaluo teatra Jaunuo zale
May 18 @ 15:00 – 16:30
Nu 10. maja Latvejis Nacionaluo teatra Jaunajā zalē apsaverama Lienītis Slišānis izstuode “Uzdevums”. Izstuodi īspiejams apmeklēt stuņdi pyrma izruožu suokuma i izruožu laikā. Lienīte Slišāne ir gaismu muokslineica i 2020. goda beiguos sajēme “Spēlmaņu nakts”[...]