Jaunuokajā žurnalā “A12” sarunys ar tielnīku Ivo Folkmani i jaunū dzīduotuoju Dionu Liepiņu

Jaunuokajā žurnalā “A12” sarunys ar tielnīku Ivo Folkmani i jaunū dzīduotuoju Dionu Liepiņu

Rokstu sagataveja: portals lakuga.lv

Izguojs žurnala “A12” 2022. gods pyrmais, februara/marta, numers, kurā sarunys ar spūžū TV šova “X faktors” dalineicu Dionu Liepiņu, muokslinīku Ivo Folkmani, literati Agnesi Zarāni i cyti Latgolys stuosti.

Žurnala redaktore Ināra Groce redaktoris slejā, īvodūt stuostus par jaunuokuo žurnala numera saturu, soka, ka jaunuo gods pyrmais žurnala numers viestej par sovim varūnim, kurī roda nūtikšonys i dorbus par prīcu sev, cytim i pasauļam.

Februara/marta žurnalā “A12” skaitit:

  • latgaliskuma kods Eiropā – gatavejamīs Latgolys kongresam aprelī;
  • rēzeknīša Raimonda Platača nūsanulliešona i atsagrīzšona sātā;
  • “X faktora” piecsajiutys i dzeive piec šova – saruna ar dzīduotuoju Dionu Liepiņu;
  • kai nūteik Daugovpiļs pīsateikšona Eiropys kulturys golvyspiļsātys 2027 titulam;
  • muokslinīks Ivo Folkmanis i juo motivaceja dorbuotīs muokslā;
  • izgleituot – tys ir gleišs dorbs, saruna ar “Karina Home” saimineicu Karīnu Stivriņu;
  • Francisks Varslavāns i juo sātys viesture;
  • voi ir izdeveigi byut lobai meitinei – saruna ar literati Agnesi Zarāni i cyti stuosti.

Taipat itymā žurnala “A12” numerī var puorskaiteit latgalīšu kulturys ziņu portala lakuga.lv sagataveitū stuostu i sarunu ar arheologu Juri Urtānu, kai ari žurnala stuostu sagataveišonā īsasaistejuse ari portala komanda – jaunuokajuos latgalīšu gruomotuos i izdavumūs īsaver portala redaktore Sandra Ūdre, bet Edeite Husare izstuosta Latgolys myusu dīnu himnu stuostus.

Žurnalu “A12” var vēļ īspēt abonēt ari cytim 2022. gods mienešim (aboniešonys indekss 2472). Ari iz prīšku žurnals ir vareiba izzynuot par dzeivi i ļaudim Latgolā i pasaulī, puorskaiteit dažaidus dzeivisstuostus, pīsadaleit viesturiskūs ceļuojumūs laikā i telpā, kai ari byut atkluojumu i puordzeivuojumu dalinīkim. Vaira par vareibu abonēt voi nūpierkt žurnalu ite: https://a12.lv.

Print Friendly, PDF & Email

Nūtikšonu kalendars

Feb
4
Sai
vysu dīnu TLMS “Dzīpariņš” 45 darbeibys go... @ Latgolys Kulturviesturis muzejs
TLMS “Dzīpariņš” 45 darbeibys go... @ Latgolys Kulturviesturis muzejs
Feb 4 vysu dīnu
Jaunū izstuožu godu Latgolys Kulturviesturis muzejs īsuoc kūpā ar ilggadejū i vysod atsauceigū sadarbeibys partneri – Tautys lītiškuos muokslys studeju “Dzīpariņš”. Tei nūdybynuota jau 1978. godā i apvīnoj sevī vysaidu paaudžu rūkdarbneicys, kurys saista kūpeiga[...]