Izsludynuota latgalīšu olimpiade i “Vuolyudzāni”

Izsludynuota latgalīšu olimpiade i “Vuolyudzāni”

Rokstu sagataveja: portals lakuga.lv

23. aprelī tīšsaistē nūtiks 21. vaļsts atkluotuo olimpiade latgalīšu rokstu volūdā i kulturviesturē, taipat aprelī attuolynuotā formatā nūtiks ari 22. skotuvis runys konkurss “Vuolyudzāni”, informej Latgalīšu volūdys, literaturys i kulturviesturis školuotuoju asociacejis (LVLKŠA) vadeituoja Veronika Dundure.

23.aprelī jau ūtrū godu tīšsaistē nūtiks 21. vaļsts atkluotuo olimpiade latgalīšu rokstu volūdā i kulturviesturē. Olimpiadi atbolsta Vaļsts izgleiteibys satura centrs, bet organizātuoji ir LVLKŠA, RTA, LU Humanitarūs zynuotņu fakultatis Baltu volūdnīceibys katedra i Rēzeknis nūvoda pošvaļdeiba.

Olimpiadē školāni i studenti paruodeis latgalīšu rokstu volūdys prasmis, atkluos, cik labi puorzyna latgaliskūs pasuokumus i nūtykumus 2021.godā. Olimpiadis 2. kuorta veļteita trymdys latgalīšu autoram, “Latgalīšu literaturys viesturis” (1957) saraksteituojam Mikeļam Bukšam. Dr. philol. Skaidreite Kalvāne jū nūsauce par Latgolys dvēselis tulku– taidu augstu viertejumu var izpeļneit tikai taids cylvāks, kurs īt dziļumā i vysu redz lītu kūpsakareibā. Bet olimpiadis 3.kuortā vajadzēs analizēt esejis nu Valentina Lukaševiča eseju kruojuma “Casnāgu maizeitis” (2021). Valentins Lukaševičs nav tik dzejnīks, rakstnīks i literaturzynuotnīks, jis ir izstaiguojs Latgolys ceļus, mozus i lelus, Latgolys laukūs īpaziņs dažaidus cylvākus, bet, golvonais, vysai Latvejai par tū breineigi stuostejs raidejumu ciklā “Cytaidi latviskais”. Eseju kruojumā autors runoj par dzeivi, it kai par vyspuorzynomom lītom, lykdams iz jom pasavērt cytaižuok.

Taipat aprelī trešū reizi attuolynuotai nūtiks 22. skotuvis runys konkurss “Vuolyudzāni”. Školuotuoji īsyuta sovu audziekņu īrunuotūs daildorbu videoīrokstus leidz 2022. goda 14. apreļam iz e-postu ltgasoc@gmail.com, nūruodūt školāna vuordu, uzvuordu, školu, klasi, školuotuoju, taipat – daildorba autoru i nūsaukumu. Videoīrokstam juoizavielej klusa telpa ar lobu apgaismuojumu i neitralu fonu; kamerai voi telefona kamerai juobyut nakusteigai, izvītuotai horizontali; ja nav uorejuo mikrofona, tod kamerai juobyut piec īspiejis tyvuok runuotuojam; pats runuotuojs juoīkadrej da pusei, lai labi radzātu žestus. Vālams izavielēt jaunuokuos latgalīšu literaturys tekstus.

Organizatori aicynoj aktivi pīsadaleit konkursā ari pyrmsškolys izgleiteibys īstuožu bārnus. Tei ir īspieja skaiteit latgaliski tim, kas jau runoj, īsavuiceit latgaliski tim, kas tū gryb dareit.

“Vuolyudzānu” nūlykums

Olimpiadis nūlykums i izmontojamūs olūtu saroksts

Atguodynuosim, ka pārnejuo gods olimpiadis i konkursa “Vuolyudzāni” nūtikšonys ir ari Latgalīšu kulturys goda bolvys “Boņuks 2021” nominantu vydā.

Print Friendly, PDF & Email

Kalenders

Apr
18
Cat
12:00 Latgolys dīna @ Vacsalīnys muižys piļs
Latgolys dīna @ Vacsalīnys muižys piļs
Apr 18 @ 12:00 – 14:00
Latgolys dīna @ Vacsalīnys muižys piļs
19:00 Grupys “Galaktika” albuma prezen... @ Aizkrauklis kulturys centrs
Grupys “Galaktika” albuma prezen... @ Aizkrauklis kulturys centrs
Apr 18 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]