Rokstu sagataveja: portals lakuga.lv

Drupeit pavasara, vasala skaudze eipašu svātku i vysa vydā pabyušona ar sovejim ir ituos nedelis īsacejumi nu Jura Ostrovska, kurū pazeistam nu grupom “Patrioti.lg”, “Dvinskas muzikanti” i poša solo projektim.

Laiks ar sovejim i atsazeišona mīlesteibā

Šudiņ pasaulī svietej Svātuo Valentina dīnu, kod teik svynāta mīlesteiba, i muns īsacejums byutu eiss i vīnkuoršs: itū dīnu pavadeit saimis lūkā i atsazeit sovejim mīlesteibā. Taipat uorā jau juosuoc gaideit pavasari i itaidā laikā vysa lobuokuo ir atpyuta nazkur pi dobys.

Eipašs koncerts eipašūs svātkūs

Dreiži ari cyti svātki, kurūs natryukst mīlesteibys – 8. marts aba Storptautyskuo sīvīšu dīna. Jau niu var suokt ari gataveitīs tai, deļtuo aiz laika aicynoju saryupēt beletus iz 8. marta eipašū koncertu Rēzeknē, Nacionalūs bīdreibu kulturys nomā. Koncertā pīsadaleišu kai es, tai vokaluo grupa “Solversija” i eipašī gosti grupa “Tērvete”.

Jusšona leidza latgaliskajam “Boņuks 2021” bolvā

Vēļ vīna nūtikšona, par kurū aicynoju dūmuot jau niu, ir Latgalīšu kulturys goda bolva “Boņuks 2021”, kurū itūgod varēs pīdzeivuot na viņ LTV tīšraidē, bet otkon kluotīnē Latgolys viestnīceibys GORS zālē. Nu 15. februara aicynoju pīsadaleit ari “Boņuka” publikys simpateju bolsuojumā “Žyks” i atbaļsteit kaidu sev meiluokū latgaliskuos kulturys dareituoju nu vysu 30 nominantu vyda.