Rēzeknē nūtiks lobdareibys pasuokums Ukrainys atbolstam

Rēzeknē nūtiks lobdareibys pasuokums Ukrainys atbolstam

Rokstu sagataveja: portals lakuga.lv

17. martā nu 19.00 da 22.00 stuņžu Rēzeknis kebabneicys “Ausmeņa Kebabs” terasē i īšktelpuos gaidoms lobdareibys pasuokums-koncertprograma Ukrainys atbolstam.

Ituo gods 24. februarī nūtyka tys, kam daudzi naticēja – Krīveja ībruka Ukrainys vaļsts teritorejā i suocēs kars. Nu tuos dīnys vysā Latvejā nūteik dažaida veida aktivitatis ar mierki atbaļsteit Ukrainys armeju, dzeivuotuojus, ari sātys dzeivinīkus.

Ari Rēzeknē da šam ir nūtykušys puļciešonuos ar mierki kūpeigi atbaļsteit Ukrainu, tok 17. martā “Ausmeņa Kebabs” byus ari lobdareibys koncerts. Pasuokumā pīsadaleis Guntis Rasims, Arnis Slobožanins, Sovvaļnīks, Diona Liepiņa, Ūga, Oskars Lustiks, Kristaps Višs, Ricky Anderson, Jāņa Ivanova Rēzeknis muzykys vydsškolys audziekni i cyti. Pasuokumu vadeis Kārlis Tols.

Pasuokuma laikā tiks pījimti zīduojumi Ukrainai: konservi, uzlejamuo puortyka, rīksti, žuovāti augli, bārnu puortyka, viersdrēbis, zečis, cymdi, džemperi, sagys, guļammaisi. Vysi zīduojumi tiks nūguoduoti atbylstūšuom organizacejom, kuruos tūs nūdūs tuoļuok golamierkī.

“Ausmeņa Kebabs” 100% nu vysu pasuokuma laika ījāmumu zīduos Ukrainys atbolstam. “KUUP” kopejneica vysys dīnys garumā pījims zīduojumus.

Kai soka pasuokuma iniciators Lauris Aglenieks: “Vīnu reitu pasamūdu ar dūmu golvā i sajutu, ka maņ ir pīnuokums sataiseit zīduojumu vuokšonys i atbolsta pasuokumu Ukrainai. Suoču planavuot, kur tys varātu nūtikt i “Ausmeņa Kebabs” iz reizis atsasauce. Tod suoču apzvaneit muzikus ar kurim bejuse sadarbeiba, vysi, kurim itys datums beja breivs, iz reizis pīkryta! Skaitu, ka itei iniciativa ir vajadzeiga, kab kūpeigim spākim pīsaisteitu vaira zīduojumu i paleidzātu Ukrainai.”

Print Friendly, PDF & Email

Nūtikšonu kalendars

Sep
30
Pīk
11:30 Saruna par Pēteri Martinsonu @ tīšsaistē
Saruna par Pēteri Martinsonu @ tīšsaistē
Sep 30 @ 11:30 – 13:00
Saruna par Pēteri Martinsonu @ tīšsaistē
J. Soikāna Ludzys muokslys škola aicynoj pīsasaceit iz seminaru, kurā Imants Klīdzējs (Mg.art, LMA doktorants, Salacgreivys muokslys školys direktors) stuosteis par muokslinīku, keramiki, arhitektu Pēteri Martinsonu. Pīsasaceit var ITE.