Jaunīšus aicynoj pīsadaleit socialūs plakatu konkursā

Jaunīšus aicynoj pīsadaleit socialūs plakatu konkursā

Rokstu sagataveja: portals lakuga.lv

Bīdreiba “ESTO” sadarbeibā ar Rēzeknis Tehnologeju akademeju jau ūtrū godu reikoj socialūs plakatu konkursu i aicynoj jaunīšus īsyuteit spylgtus, ospruoteigus dorbus ar pamonamu viestejumu latvīšu i/voi latgalīšu rokstu volūdā, kas rūsynoj dūmuot patstuoveigi, reikuotīs sovā i sabīdreibys lobā, aicynoj pīsadaleit vieliešonu procesā, napasakļaut dezinformacejai i vērstīs pret agreseju vysuos tuos izpausmēs.

Pīsadaleit konkursā teik aicynuoti jaunīši ar voi bez prīškzynuošonu muokslys jūmā, kotrys, kurs gryb paust sovu redziejumu par pylsūniskuos sabīdreibys procesim. 2021. godā plakatu konkursā tyka īsnāgti 24 jaunūs muokslinīku dorbu pīteikumi, četri nu tūs sajēme gūdolgys. Jaunūs muokslinīku dorbi tyka izstuodeiti vairuokuos ceļojūšuos izstuodēs dažaiduos Latgolys vītuos.

Ari ituo gods konkursā vysi dalinīki, kurūs dorbi tiks eksponāti izstuodēs, sajims konkursa dalinīku diplomus, uzvarātuoja bolvu i skateituoju simpateju bolvu, kurū nūsaceis bīdreibys “ESTO” i Rēzeknis Tehnologeju akademejis aptaujis bolsuojums.

Plakatus kūpā ar aizpiļdeitu konkursa veidlopu juosyuta estobiedriba@gmail.com leidz 2022. goda 25. apreļam. Konkursa laureatu apbolvuošona paradzāta 2022. goda 17. majā Rēzeknis Tehnologeju akademejis izstuožu zalē plakatu izstuodis atkluošonys pasuokumā.

Konkursa nūlykumu i kriterejus var atrast ITE.

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]