“Daugavpils 2027” prezentēs pietejumu par īkļaušonys veicynuošonu kulturā
Rokstu sagataveja: portals lakuga.lv
30. martā 15.00 stuņdēs Zoom platformā nūtiks pietejuma “Latgales iedzīvotāju ar ierobežotām iespējām iesaiste kultūras norisēs” prezentaceja, informej dasacejuma “Daugavpils 2027” komunikacejis specialiste Jelena Dedele.
“Daugavpils 2027”, veidojūt dasacejumu Eiropys kulturys golvyspiļsātys titulam, dagrīž lelu nūzeimi sabīdreibys leidzdaleibai i īkļaušonai, dorbam ar “naradzamuom” i ryska grupom. Veidojūt programu i atteisteibys planus, teik veikts ari pietejums par socialuos izstumšonys ryskam pakļautūs grupu īsaistis veicynuošonu. Pietejuma mierkis apzynuot Daugovpiļs piļsātys (ari Latgolys regiona) socialuos izstumšonys ryskam pakļautūs dzeivuotuoju mierka grupys, tūs vareibys i īrūbežuojumus kulturys patiereņā i leidzdaleibā. Rezultatā tyka izstruoduoti īsacejumi rysynuojumim mierka grupys īsaistei.
Pietejuma prezentaceju vadeis pietnīki Gints Klāsons (Latvejis Kulturys akademejis Zynuotniskuos pietnīceibys centrs) i Anna Selecka (SIA “Analītisko pētījumu un stratēģiju laboratorija”).
Iz prezentaceju aicynuoti Daugovpiļs i Latgolys kulturys, izgleiteibys, NVO jūmys puorstuovi, projektu vadeituoji i programu koordinatori, kai ari socialī darbinīki i bīdreibu puorstuovi, kas struodoj voi planavoj īsaisteit cylvākus nu ryska grupu.
Prezentacejai da 29. marta var dasasaceit ITE.
