Latgolys regiona medeji sajāmuši MAF projektu konkursa atbolstu raidejumu i rokstu veiduošonai

Latgolys regiona medeji sajāmuši MAF projektu konkursa atbolstu raidejumu i rokstu veiduošonai

Rokstu sagataveja: portals lakuga.lv

Nūsaslēdzs Medeju atbolsta fonda (MAF) programys projektu konkurss regionalūs i vītejūs medeju atbolsta projektu eistynuošonai, viestej Sabīdreibys integracejis fonda izziņuotuo informaceja. Programā atbaļsteiti 45 projekti, kurūs vydā ari vīns bīdreibys “LgSC” projekts latgalīšu kulturys ziņu portala lakuga.lv darbeibys atteisteišonai.

Programā “Regionalūs i vītejūs medeju atbolsta programa”, kurys finansiejums ir nu Latvejis Republikys Kulturys ministrejis daškiertūs leidzekļu i kurā projektus beja vareiba īsnēgt divejuos kategorejuos: “Sabīdryski nūzeimeigs saturs” i “Latgolys regions” nu 56 projektu dasacejumu atbolstu sajāmuši 52 projekti aba 93 % nu vysu dasaceitūs projektu, sajamūt nūlykumā nūsaceitū minimali vajadzeigū punktu skaitu i atbiļsteibu viertiešonys kriterejim, daīmamū finansiejumu proporcionali sadolūt storp vysim dasacejumim. Kūpā apstyprynuoti projekti 1 359 590 eiro vierteibā, nu tūs 214 850,59 eiro daškierti taišni kategorejā “Latgolys regions”, nūdrūsynojūt regiona īdzeivuotuojim kvalitativu i sabīdryski nūzeimeigu politikys, ekonomikys voi kulturys nūtikšonu paruodeišonu i padzilinuotu procesu skaidruojumu.

Projektu dasacejumus piec atbiļsteibys i kvalitatis kritereju viertieja konkursa komiseja, kuruos vydā beja četri augstškolu puorstuovi (ari nu regionalūs augstškolu), pa vīnam puorstuovam nu Latvejis Medeju etikys padūmis i Baļtejis Medeju izcileibys centra, pa divejim puorstuovim nu Kulturys ministrejis i Nacionaluos elektroniskūs plašsazinis leidzekļu padūmis. Sabīdreibys integracejis fonda puorstuovs vadeja komisejis dorbu, tok viertiešonā i bolsuošonā napīsadaleja.

Kategorejā “Sabīdryski nūzeimeigs saturs” atbolstu sajāmuši itaidi Latgolys regionā eistynuot paradzāti medeju projekti:

  • SIA “Ludzas Zeme” – Atkarības – Ludzas novads 20 639,53 €
  • SIA “Balvu Vaduguns” – Punktiņš, punktiņš, komatiņš 20 297,30 €
  • Biedrība “Latgolys entuziastu grupa Biļdis” – 24 stundas stopkadros 14 857,56 €
  • SIA “Latgales Laiks” – Mēs nedrīkstam būt vienaldzīgi! 22 482,60 €
  • SIA “Mediastrims” – Tumsas pabērni 33 932,14 €
  • SIA “Rēzeknes Vēstis” –  Slēgtā skola: pārvērtību arhitektūra 13 260,70 €
  • SIA “Vietējā” – Latgales ekonomiskās, sociālās un kultūras vizītkartes 17 181,86 €
  • SIA “Divu krastu radio” – Radiožurnāls „Notikumu krustpunktā” 22 954,29 €
  • Biedrība “LgSC” – Latgaliskā kultūrtelpa: problēmas, analīze un atspoguļojums portālā lakuga.lv 23 862,48 €
  • SIA “LER8” – Novadu apvienošanas plusi un mīnusi – skats pēc gada kopā būšanas 8 114,89 €
  • SIA “Latgales reģionālā televīzija” – Latvijas pierobeža. Dienasgrāmata. 44 682,77 €
  • SIA radiokompānija “Alise Plus” – Ziņu raidījumi “Par Latgali, Latviju un pasauli” 22 0 37,45 €

Kategorejā “Latgolys regions” atbaļsteiti:

  • SIA “Ludzas Zeme” – Ražots Ludzas novadā 13 347,72 €
  • SIA “Balvu Vaduguns” – Esi burvis – taisi no nekā! 20 000,00 €
  • SIA “Vietējā” – Latgolys latgaliskuo i eiropeiskuo savdabeiba 15 478,86 €
  • SIA “EF-EI” – Covid-19 – Sarunas par Latgali,…. un ne tikai 11 086,84 €
  • SIA “Divu krastu radio” – Radioraidījums “Pie mums Latgalē” (Pi myusu Latgolā) 39 876,40 €
  • Bīdreiba “Bruoli i Muosys” – “SAJŪTI LATGALI” 10 raidījumu cikls, 3. sezona 40 000,00 €
  • SIA “Latgales reģionālā televīzija” – Žik! 40 000,00 €
  • SIA “LER 8” – Rakstu cikls “Daugavas septiņu loku stāsti” 9 045,09 €
  • SIA radiokompānija “Alise Plus” – Ilgstpēja Latgalē: kultūra un vide 19 465,41 €

Bīdreibai “LgSC” projektu konkursā atbaļsteits vīns projekts, kas teik eistynuots caur latgalīšu kulturys ziņu portalu lakuga.lv. Projektā “Latgaliskā kultūrtelpa: problēmas, analīze un atspoguļojums portālā lakuga.lv” paradzāts sagataveit saturu latgalīšu rokstu volūdā, kas paleidzēs styprynuot i atteisteit izpratni i zynuošonys par latgaliskū kulturtelpu. Projektā tiks sagataveiti 40 roksti, intervejis i skaidruojumi taiduos rubrikuos kai “Lakuga.lv vaicoj”, “Kruojuma duorgumi”, “Pa latgalīšu pādim” i “Īpazeisti latgalīšu volūdu”. Portala sagataveitī roksti desmit reizis byus publicāti ari laikrokstā “Vietējā Latgales Avīze” i četrys reizis žurnalā “A12”. Projekta eistynuošona sūpluok sabīdreibys informiešonai i izgleituošonai par latgaliskuos kulturytelpys vaicuojumim, ļaus stabilizēt, styprynuot i atteisteit ari poša portala darbeibu, paleidzūt sagataveit kvalitativuoku, interaktivuoku portala saturu, kai ari jo eipaši paplašynuot i aktivizēt portala dorbu socialajūs teiklūs. Projektā īsaisteita vysa portala lakuga.lv redakceja – redaktore Laura Melne, žurnaliste Laura Spundere, žurnaliste i socialūs medeju redaktore Edeite Husare, kai ari multimedeju materialu veiduotuoja i socialūs medeju leidzredaktore Amanda Anusāne.

Print Friendly, PDF & Email

Kalenders

Mar
7
Cat
16:00 Valentina Lukaševiča gruomotys “... @ Latgolys Centraluo biblioteka
Valentina Lukaševiča gruomotys “... @ Latgolys Centraluo biblioteka
Mar 7 @ 16:00 – 17:30
7. martā 16.00 stuņdēs Daugovpilī, Latgolys Centralajā bibliotekā, 2. stuovā (Reigys īlā 22a) nūtiks Valentina Lukaševiča vītu stuostu kruojuma “Dīnvydlatgolys stuosti” prezentaceja i sasatikšona ar autoru. Gruomotys 39 stuostūs autors, ceļojūt na tik telpā, bet[...]