Kulturys īsacejumi nedeļai: vaicojūt sovys īškejuos vierteibys

Kulturys īsacejumi nedeļai: vaicojūt sovys īškejuos vierteibys

Rokstu sagataveja: portals lakuga.lv

Itei nedeļa aizrit Muzeju nakts zeimē. Itūgod tuos pamata tema ir “Vērtības”, deļtam ari kulturys īsacejumi itai reizei ir taišni par sovu īškejū vierteibu mekliešonu. Īsacejumus sagataveja Leivuona nūvoda kulturys, turisma i sporta puorvaļdis vadeituoja, radūšūs projektu producente i vysam puori leivuonīte – Aija Smirnova.

Dūtīs puorguojīnī Jersika-Vonogi
Puorguojīņs Jersika-Vanagi ir apmāram 22 kilometru gars pīdzeivuojums, kurs ļaun izaicynuot sovu iztureibu. Puorguojīņs vad cauri mežim, pūrim, dyuksnuoju, pļovom i lauku celenim. Puorguojīņs ir breineigs veids, kai izzynuot nacionalūs partizanu kusteibys spylgtuokūs personažus i jūs darbeibu. Īspieja apsavērt zeimeiguokuos vītys, par kurom kleist vītejuos legendys i pīraksteituos cylvāku atminis.
Vaira informacejis var dazynuot Leivuona turisma lopā visitlivani.lv, dreizumā byus daīmams ari audio gids. Taipoš ir daīmama puorguojīņa karte, tū ari var vaicuot Leivuona Turisma informacejis centram.

Karteņa: Puroguojīņs Jersika-Vanagi, sātys lopa visitlivani.lv

Laksteigolu nakts Gedušu piļskolnā
14. majā 22.00 stuņdēs Gedušu piļskolnā (Turku pogostā Leivuonu nūvodā) nūtiks sasadzīduošonuos ar folklorys kūpu “Turki”. Deļ nūskanis radeišonys degs gunkuri, varēs nūgaršuot i sasasiļdeit ar syltu čaju. Kotrs interesents aicynuots baudeit nakti i izlūceit sovu bolsu, partū ka taišni pavasars ir lobuokais laiks, kab īskandynuot sovu bolsu. Uora gaviliešona, kūpdzīduošona vyspuor ir lobuokuos zuolis pret gryutsirdeibu i paleidz rast spāku sevī. Tei ir ari eistuo reize, kod palikt pa nakti dobā i atkluot telšu sezonu.

Karteņa: Gedušu piļskolns, Aijis Smirnovys personeigais arhivs

Muzeju nakts pīdzeivuojumi iz Leivuonu i Preilim, meklejūt sovys vierteibys
Muzeju nakts sūluos byut kai pavasara nūtykumu spruodzīņs sevkurā vītā, kur atsarūn āka, ekspoziceja voi vysmoz nūsaukums “muzejs”. Tok vierteiguok byus apmeklēt tuos vītys, kurys saskaņ ar sovu īškejū vierteibu skolu.
Leivuonīši sagatavejuši nūrisis, kas baudamys kai ar ausim, tai ar acim. Īraksteitys stykla skanis, stykla muokslinīku i fotografu izstuodis, izcyluos Leivuona audiejis Dzidrys Ceplis dorbu izstuode “Austie dzīves raksti”, klavīrmuzyka Leivuona stykla ekspozicejā. Ituos nūtikšonys īsoku vysim, kam vierteiba ir izaugsme sovā profesejā i tīkšonuos piec perfekcionisma, vysim, kam dorbs ir drupeit ari dzeivisveids.

Karteņa: Leivuonu stykla i amatnīceibys centra arhivs

Sovpus preilīši Muzeju naktī pīduovoj saturu, kurs aktualizēs viesturiskuos līceibys. Vysim, kuri vēļ nav redzejuši filmu “Segvārds Vientulis”, tū byus vareiba nūsavērt pīmāruotā jutūnē. Nakts sūla ari partizanu filmu stuostus i folklorys kūpys “Rūžupis veiri” karaveiru dzīsmis pi gunkura, kai ari ukraiņu boršču.
Kab nu tei nakts nabyutu par eistu, lai vysu paspēt!

Print Friendly, PDF & Email

Nūtikšonu kalendars

Mar
24
Pīk
15:00 Osvalda Zvejsalnieka pīmiņai veļ... @ Leivuona stykla i amatnīceibys centrs
Osvalda Zvejsalnieka pīmiņai veļ... @ Leivuona stykla i amatnīceibys centrs
Mar 24 @ 15:00 – 17:00
Leidz 13. apreļam Leivuona stykla i amatnīceibys centra izstuožu zālē apsaverama Osvalda Zvejsalnieka (1944-2022) gleznīceibys izstuode “Māja pie Daugavas”, informej centra puorstuove Kristīne Lipkova. 24. martā 15.00 stuņdēs paradzāta ari muokslinīka pīmiņai veļteita sasatikšona. Marts[...]
16:00 Latgolys grafikys simpozeja izst... @ Daugovpiļs Marka Rotko muokslys centrs
Latgolys grafikys simpozeja izst... @ Daugovpiļs Marka Rotko muokslys centrs
Mar 24 @ 16:00 – 17:30
Pīktdiņ, 24. martā, 16.00 stuņdēs Daugovpiļs Marka Rotko muokslys centrā piec div nedeļu intensiva dorba studejuos tiks atkluota 11. Storptautyskuo Latgolys grafikys simpozeja nūslāguma izstuode i sveikti tuo dalinīki. 11. Storptautyskais Latgolys grafikys simpozejs nūteik[...]
18:00 Kina “Janvāris” @ Preiļu 1. pamatškola
Kina “Janvāris” @ Preiļu 1. pamatškola
Mar 24 @ 18:00 – 19:45
1991. gods janvars. Piec školys beigšonys Jazis navar izlemt, kai dzeivuot tuoļuok. Draud īsaukšona Padūmu armejā, veidojās pyrmuos nūpītnuos attīceibys. 90. godu suoku bohema, paaudzis protests. Latvejā tikom turpynojās ceiņa par vaļsts naatkareibu, padūmu milicejis[...]
18:30 Izruode “Pa Laimes lāča pēdām” @ Daugovpiļs teatris
Izruode “Pa Laimes lāča pēdām” @ Daugovpiļs teatris
Mar 24 @ 18:30 – 20:30
Izruode "Pa Laimes lāča pēdām" @ Daugovpiļs teatris
Izruode veiduota piec Andreja Upīša stuosta “Sūnu ciema zēni” motivu i baļsteita puorsoku lykumūs, partū ite seņdīnys mejās ar myusdīnom i breinumi palīk par kasdīnu. Pavysam kai originaldorbā syuncīmīši dūdās ceļuojumā Laimis luoča mekliejumūs, kab[...]