Pietnīki raudzeis rekonstruēt Baļtinovys arheologiskū ainovu

Pietnīki raudzeis rekonstruēt Baļtinovys arheologiskū ainovu

Rokstu sagataveja: portals lakuga.lv

Latvejis Kulturys akademejis (LKA) pietnīki projektā “Identitāšu ainavas: vēsture, kultūra un vide”, izmontojūt ainovu arheologejā i regionalūs pietejumu praksēs baļsteitu pīeju, raudzeis rekonstruēt Baļtinovys arheologiskū ainovu, viestej informaceja LKA sātyslopā. Pietejuma mierkis ir izprast regiona telpiskū strukturu aizviesturē – kai geografiskuo telpa tyka izmontuota saimisteibā, kaidys kulturalys nūzeimis tai tyka pīškiertys, kai tei atspīgeļuoja tū apdzeivojūšuos sabīdreibys socialuos strukturys i kai poša telpa ītekmēja tamā dzeivojūšū sabīdreibu.

Itys pietejums ir daļa nu vaļsts pietejumu programys “Letonika latviskas un eiropeiskas sabiedrības attīstībai” projekta “Identitāšu ainavas: vēsture, kultūra un vide”, kū kūpeigai eistynoj Latvejis Universitatis Literaturys, folklorys i muokslys instituts, Rēzeknis Tehnologeju akademeja, Līpuojis Universitate, Latvejis Muokslys akademeja i Latvejis Kulturys akademeja.

Maja suokuos, pyrma ainova sazaļuojuse, nūtyka projekta pyrmuo ekspediceja – lauka pietejumu laikā tyka apmaklātys Baļtinovys arheologiskuos vītys – piļskolni (Olūtuoju, Svātyunis, Punculevys I, Punculevys II), senkopi (Lukstenīku, Aizeļkšņu), apsekuota ari Svātyunis azara apleicīne, Svātais kolns, vairuokys lauku kopsātys. Nūtyka ari sasatikšona ar baļtinavīšim, īpasazeistūt i izrunojūt sadarbeibys vareibys.

Pietejuma vītys izviele par lobu Baļtinovai nūtyka, jemūt vārā, ka beidzamūs godu laikā Baļtinovys nūvodā piļskolnu skaits dubultuojīs – ka da 2019. goda tī beja zynomi div piļskolni (Olūtuoju i Punculevys I), tod, pasasokūt LIDAR datim, tyka atkluoti vēļ jauni piļskolni – vierīneigais Svātyunis piļskolns Zvonu kolnu masivā i vēļ vīns, īprīšk nazynoms piļskolns, sūpluok Punculevys piļskolnam aba Punculevys II. Vaira par itim jaunatkluotajim piļskolnim var skaiteit itūgod izguojušajā arheologa Jura Urtāna gruomotā “Jaunatklātie pilskalni Latvijā. 1998. – 2021.”.  

Izmontojūt pietejumā dabuotūs empiriskūs datus, tymā skaitā 2023. godā veicūt nalelus puorbaudis izrokumus piļskolnūs, tiks raudzeits rekonstruēt Baļtinovys arheologiskū ainovu, raugūt izprast, kas itamā vītā reiz nūtyka, kas te beja, kai cylvāki dzeivuoja, kū dareja? Tys paleidzēs radeit vītys stuostu, veidojūt tyltu storp senatni i myusu dīnom. Pietnīku viereiba tiks veļteita ari Baļtinovys apleicīnis mutvuordu tradicejai. Tiks apzynuotys i analizātys vītejūs dzeivuotuoju zynuošonys par Baļtinovys ainovu, apleicīnis vītom, par pīmāru, kaidu nūzeimi vītejī pīškir arheologejis objektim? Voi i kai jaunatkluotī piļskolni veidoj, ītekmej vītys identitatis apsazynuošonu? 

Projekta komandu veidoj pīredziejuse Latvejis Kulturys akademejis pietnīku grupa – Lolita Ozoliņa, Rūta Muktupāvela, Ieva Vītola, Juris Urtāns, Jānis Meinerts i LKA bakalaura studeju programys studente Lote Katrīna Cērpa. Vaira par pietejumu var skaiteit ITE.

Print Friendly, PDF & Email

Nūtikšonu kalendars

Jun
30
Cat
vysu dīnu Džeinys Gavaris gleznu izstuode ... @ Maltys viesturis muzejs
Džeinys Gavaris gleznu izstuode ... @ Maltys viesturis muzejs
Jun 30 vysu dīnu
Džeinys Gavaris gleznu izstuode "Mantojums" @ Maltys viesturis muzejs
Da 30. juņa Maltys viesturis muzejā var apsavērt dzīsmineicys, gleznuotuojis i dzejneicys Džeinys Gavaris gleznu izstuodi “Mantojums”. Poša Džeina Gavare stuosta: “Izstuode ir kai turpynuojums viestei par mīlesteibu. Izstuode ir par tū, kuo „pādūs” mes[...]
Jul
1
Pīk
20:00 Grupys “Reibums” koncerts @ "Fresh Terase"
Grupys “Reibums” koncerts @ "Fresh Terase"
Jul 1 @ 20:00 – 21:30
Grupa “Reibums” ir cālusēs Rāznys azara krostā Kaunatā Covid īrūbežuojumu laikā, kod vīneiguos izklaidis vareibys beja izklaidēt sevi pošim. Tok dalinīku saspēlis pyrmsuokumi meklejami jau lobu laiku īprīšk.   Grupa “Reibums” spielej vīnkuoršu, jautru dzeivū[...]