Otkon aicynoj sasatikt Lelajā latgaļu tiergā

Otkon aicynoj sasatikt Lelajā latgaļu tiergā

Rokstu sagataveja: portals lakuga.lv

Piec vairuoku godu puortraukuma Ludzā otkon nūtiks Lelais latgaļu tiergs, itūgod jau četrpadsmytū reizi – 18. junī Ludzys Nūvodpietnīceibys muzeja breivdobys teritorejā (Kuļneva īla 2).

Senejuokuo Latvejis piļsāta Ludza aicynoj gostus apmeklēt Lelū latgaļu tiergu, kur sasatiks vysaidu omotu meistari, muojražuotuoji i saiminīki nu vysys Latgolys i puornūvodu.

Tei byus ļusteiga dīna ar dzīsmem, daņčim, vyzynuošonūs ar zyrgim i vidis darbneicom ar Kroma kolna bruolisti. Organizatori sūla, ka byus vareiba ari tikt pi jaunu zynuošonu par veseleigu dzeivisveidu, kai ari senejim lauku dorbim i lynu apstruodi. Taipat vysys dīnys garumā varēs izbraukt ar plūstu nu pīstuotnis Kuļneva īlā 2a, sūpluok muzejam. Sovpus piec tautys folklorys kūpu i doncuotuoju uzastuošonuos, kūkļu muzykys pavadeibā pasuokums tiks nūslāgts ar saulgrīžu ritualu.

Parosti Lelais latgaļu tiergs teik organizāts Ludzys vydslaiku piļsdrupu teritorejā, tok itūgod tī nūteik lobīkuortuošonys byuvdorbi.

Organizatori aicynoj pīsasaceit tieguotuojus da 15. juņa tik ar pošu ražuotu i veiduotu produkceju, dasacejuma anketa ITE. Ka rūnās papyldu vaicuojumi, juozvona pa teleponu – 29467925 (Līga).

Print Friendly, PDF & Email

Kalenders

Jul
18
Cat
14:00 Bolvu nūvoda svātki @ Bolvi
Bolvu nūvoda svātki @ Bolvi
Jul 18 @ 14:00 – Jul 20 @ 23:45
Bolvu nūvoda svātki @ Bolvi
16:00 Storptautyskuos rezidencis nūslā... @ Rotko muzejs
Storptautyskuos rezidencis nūslā... @ Rotko muzejs
Jul 18 @ 16:00 – 17:30
18. julī 16.00 stuņdēs Rotko muzeja konferenču zālē nūtiks storptautyskuos rezidencis nūslāguma izstuodis atkluošona.   Nedelis garumā, nu 12. da 19. juļa Eiropys Savīneibys finansātuo projekta “Eiropas kultūra: Visi dažādi – visi vienlīdzīgi” laikā Rotko[...]