Storptautyskajā folklorys festivalā “Baltica” pīsadaleis 76 Latgolys kolektivi

Storptautyskajā folklorys festivalā “Baltica” pīsadaleis 76 Latgolys kolektivi

Rokstu sagataveja: portals lakuga.lv

Nu 6. da 10. juļa nūtiks Storptautyskais folklorys festivals “Baltica”. Festivalā byus daudzveideiga programa Reigā, Talsūs, Siguldā, Turaidā, Inčukolnā, Krymuldā, Muolpilī, Jūdažūs, Incīmā, Lādurgā, Kuldeigā, Alsungā, Skrundā, Ventspilī, Puopē i Dundagā, kūpā puļcejūt 225 folklorys kolektivus.

Folklorys festivals “Baltica” teik organizāts jau nu 1987. goda i kasgadeji nūteik kaidā nu Baļtejis vaļstu. 2022. goda festivala tema ir “Spēle” i moto “Nāc ar mani spēlēties”. Itūgod festivalā vysplotuok byus puorstuovāta taišni Latgola. Vysaiduos festivala nūtikšonuos pīsadaleis 76 kolektivi nu Latgolys, sovpus Reigu i Reigys regionu puorstuovēs 35 kolektivi, Kūrzemi – 41 kolektivs, Vydzemi – 38, Zemgali – 29 i Sieleju – 3 kolektivi.

Festivala dalinīku vydā byus ari div latvīšu diasporys kolektivi – Zīmeļanglejis latvīšu folklorys kūpa “Dūdalnieki” i Latvejis Nacionaluos kulturys bīdreibys Igaunejis folklorys kūpa “Rēvele”, kai ari četri gostu kolektivi nu Igaunejis i Leitovys. Tradicionali festivala gostu vydā byus ari stuostnīceibys nūzaris puorstuovi. Apmaklātuojim byus vareiba īsaklauseit lītuvīšu stuostneicys Mildys Varnauskaites (Viļņa) i oksitaņu stuostneicys Monikys Burgys (Monique Burg) iztielē i montuotajuos atmiņuos.

Vysu festivala “Baltica” programu var apsavērt ITE.

Sovpus pīktdiņ, 1. julī, 19.00 stuņdēs laukumā pi Viļānu kulturys noma nūtiks festivala “Baltica” īskanis koncerts “Es dzīdōju kai laksteigola”, kurā pīsadaleis kapela “Bumburneicys”, veiru folklorys kūpa “Kūzuls”, Varakļuonu KN folklorys kūpa “Klāni”, Viļānu KN folklorys kūpa “Viļōnīši”, Gaļānu KN folklorys kūpa “Vydsmuiža”, Murmastīnis KC folklorys kūpa “Rota” i Viļānu KN senioru deju kūpa “Kūmys”.

Print Friendly, PDF & Email

Kalenders

May
18
Sai
10:00 Muzeju nakts @ Maltys viesturis muzejs
Muzeju nakts @ Maltys viesturis muzejs
May 18 @ 10:00 – 21:00
Muzeju nakts “Izzinot latgaliskās rotas, tērpus un stāstus”10.00 Pietnīcysks (izzynojūšs) ceļuojums pa Maltys apleicīnis piļskolnim ar viesturis aktivistu i konstruktoru bīdreibu “Kroma kolna bruoliste”.16.00-18.00 Darbneica “Seno latgaļu rotu rakstu noslēpumi” (7.-13. g. s.), kurū vadeis[...]