Raiņa muzejā “Jasmuiža” nūtiks amatnīku i rūkdarbnīku svātki

Raiņa muzejā “Jasmuiža” nūtiks amatnīku i rūkdarbnīku svātki

Rokstu sagataveja: portals lakuga.lv

7. augustā Raiņa muzejs “Jasmuiža” aicynoj iz rodūši skaneigu svātdīnis vokoru, kur 17.00 stuņdēs suoksīs amatnīku i rūkdarbnīku svātki “Pūra vēdināšana” ar folklorys kūpu “Golūda” i “Grodi” pīsadaleišonu, informej muzeja puorstuovi.

Pasuokuma laikā byus apsaverama Ivetys Seimanovys izstuode “Lobs ar lobu sasatyka”, kai ari rūkdorbu ekspresizstuode. Sevkurs interesents varēs vērtīs i paraudzeit vysaidys omotu prasmis, ar kurom daleisīs rūkdarbnīki i amatnīki.

Pasuokuma gaitā Iveta Seimanova, bīdreibys “Latgolys etnografiskuo viestnīceiba” vadeituoja, audieja, tautys tārpu darynuotuoja, stuosteis par tūs darynuošonys i nosuošonys tradicejom Latgolā. Izstuodē “Lobs ar lobu sasatyka” eksponātys I. Seimanovys taiseitajūs miniaturūs tautystārpūs apvylktys lelis. Vaira par tū var skaiteit ITE.

Sovys zynuošonys par dobys vīlom i pierts lītom tuoļuok nūdūs aromterapeite, augu pazinieja, zeimyna “LabaSajūta” radeituoja Kristīne Stašulāne i piertneica Ināra Mūrniece.

Par muzykalū nūskaņu vokora gaitā ryupēsīs folklorys kūpa “Golūda”. Kūpā ar vadeituoju Aigaru Krekelu folklorys kūpa dzīd tautā īmīļuotys dzīsmis, atdzeivynoj sova nūvoda tautysdzīsmis, kai ari nazkodejuos dalineicys, teiciejis Annys Romanovskys aba Mīleigūs Aneitis teiktuos dzīsmis.

Pasuokuma laikā planavuota ari gruomotys “Saimnīka prāca”, kurā apkūpuota informaceja par amatnīkim Preiļu nūvodā, papyldynuošona. Tū suokts veiduot jau pyrma puors godu, tok laika gaitā ir guojuši kluotyn jauni amatnīki i rūkdarbnīki, partū ari informaceju par jim davīnuos gruomotā, kura nikod nabyus pabeigta, partū ka ari nūvoda amatnīku i rūkdarbnīku ryndys pasapyldynoj.

19.00 stuņdēs skanēs folklorys kūpys “Grodi” kuozu dzīsmis programā “Šķiramīs, mes, muoseņas, gona meili dzeivuojuš”, kur tiks izdzīduotys izdūšonys i kuozu dzīsmis, kai ari izspālāti taidi rituali kai jaunivis gierbšona, vaiņuka izlikšona, atvodys nu sātys ļaužu, baslaviešona, vaiņuka nūjimšona, lynauta izsīšona, vaiņuka dancynuošona i cyti.

Raiņa muote Dārta Pliekšāne nazkod beja lela rūkdarbneica, audieja i zuoļu čaju vuocieja. Jauneibys godūs Juosmuižys, Vyšku i Aglyunys pusē tūpūšais dzejnīks Jānis Pliekšāns nu vītejūs teicieju pīraksteja kuozu i apdzīduošonys dzīsmis, pīraksteja apceriejumu “Višķu pagasta kāzu ieražas”. Partū Raiņa jauneibys dzeivisvītā Raiņa muzejs “Jasmuiža” turpynoj popularizēt tradicionaluos omotu prasmis, latgalīšu folkloru i kuozu tradicejis, īdzeivynojūt namaterialū kulturys montuojumu muzeja vidē.

Īīšona pasuokumā: 5,00 EUR; školānim: 2,00 EUR; bārnim da septeņu godu – bez moksys.

Print Friendly, PDF & Email

Nūtikšonu kalendars

Oct
3
Ūtr
19:00 Foto orientiešonuos “Vokora styga” @ Esplanade
Foto orientiešonuos “Vokora styga” @ Esplanade
Oct 3 @ 19:00 – 21:00
Latgalīšu kulturys kusteiba “Volūda” 3. oktobrī aicynoj studentus i tūs, kas vēļ sirdī jiutās studenti, īpazeit Reigys latgaliskuos vītys i pīsadaleit foto orientiešonuos pasuokumā “Vokora styga”.   Kab varātu pīsadaleit “Vokora stygā”, juoizveidoj komanda 2[...]
Oct
4
Tre
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Oct 4 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
Oct
5
Cat
12:00 Konference “Kultūra reģionos: ie... @ Latgolys viestnīceiba "Gors"
Konference “Kultūra reģionos: ie... @ Latgolys viestnīceiba "Gors"
Oct 5 @ 12:00 – Oct 6 @ 17:00
5.- 6. oktobrī Latgolys viestnīceiba “Gors” sadarbeibā ar Latvejis Kulturys akademejis Kulturys i muokslu institutu aicynoj iz konferenci “Kultūra reģionos: iespējas, izaicinājumi un perspektīvas”. Konferencis mierkis ir atsavērt i izviertēt, kai leidz ar regionalūs koncertzāļu[...]
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Oct 5 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]