“Latgaļu sāta” aicynoj iz latgalisku piecpušdīni Madžuļūs

“Latgaļu sāta” aicynoj iz latgalisku piecpušdīni Madžuļūs

Rokstu sagataveja: portals lakuga.lv

Bīdreiba “Latgolas tradicionalōs kulturas centrs “Latgaļu sāta”” svātdiņ, 21. augustā, nu diveju da sešu stuņžu piec pušdīņu aicynoj  iz tradicionaluos kulturys nūtikšonu ar rodūšajom darbneicom i sasatikšonom Rēzeknis nūvoda Dekšuoru pogosta Madžuļu “Rīkstūs”, viestej bīdreibys atsyuteituo informaceja.

Svātdiņ paradzātuos nūtikšonys parādā byus dažaidys rodūšuos darbneicys: maizis cepšona, svīksta neišona, kūklis spieliešona, garmanis spieliešona, bārza tuoss darbneica, kai ari daņči i praktiskys nūdarbeibys bārnim. Kai stuosta bīdreibys “Latgolas tradicionalōs kulturas centrs “Latgaļu sāta”” vadeituoja Marika Zeimule, sasatikšonā Madžuļūs pīsadaleis kai bīdreibys bīdri, tai gosti nu Modūnis, Leivuona i Reigys. Gostu vydā byus ari dendrologs Andrejs Svilāns, kuram variešūt aizdūt vaicuojumus par tū, kas ir tradicionas lauku sātys puču duorzs Latgolā. Sovpus keramiki Irēna Greivule i Māris Karlsons vuicēs bārnim keramikys pamatus, taipat grybātuoji varēs nūpierkt meistaru keramikys dorbus.

Nūtikšonys reikuotuoji sūlej, ka par eistyn latgalisku nūskaņu pasaryupēs garmanis spālātuoji Pīters Justs, Ilmārs Strods i cyti, taipat byušūt “Latgaļu sātys” tradicionaluo zupa i gords ols.

Print Friendly, PDF & Email

Nūtikšonu kalendars

Oct
5
Tre
15:00 Pītera Korsaka fotografeju izstu... @ Latgolys Kulturviesturis muzejs
Pītera Korsaka fotografeju izstu... @ Latgolys Kulturviesturis muzejs
Oct 5 @ 15:00 – 16:30
Izstuode viestej par 20. i 21. godu symtā satyktajim zynomajim i mozuok zynomajim latgalīšim. Tei ir līceiba par laikabīdrim mynātajā periodā, kurūs vydā ir Pīters Zeile, Evalds Vasilevskis, Bronislava Martuževa, Juoņs Streičs, Bronislavs Spridzāns i[...]