Rokstu sagataveja: portals lakuga.lv

Latgolys regiona turisma nūzare turpynoj atsateisteit i pylnveiduotīs. Apsazynojūt regiona turisma nūzaris vajadzeibys, Latgolys Turisma asociaceja 2022. goda rudinī/2023. goda pavasarī pīduovoj organizēt kluotīnis turistu grupu gidu apvuiceibys.

Pīaugūt indivdualū i turistu grupu braucīņu skaitam Latgolā, rūnās napīcīšameiba ari piec kvalificātu pavodūšūs gidu. Itūšaļt Latgolys regionā ir gidi, kuri struodoj konkretuos piļsātuos voi nūvodūs, sovpus izteikti tryukst taidu, kuri byutu gotovi struoduot plotuokā mārūgā.

Latgolys Turisma asociaceja aicynoj pīsasaceit cylvākus ar grupu ekskurseju vadeišonys pīredzi bezmoksys gidu apvuiceibom kluotīnē. Gidu apvuiceibys tiks organizātys viņ tod, ka pīsasaceis vysmoz 10 cylvāku. Pretendentim juozyna latvīšu i krīvu volūdys, angļu – sarunvolūdys leiminī, cīši vālamys ari latgalīšu volūdys zynuošonys. Taipoš ir juobyun registrātim voi juoplānoj registrētīs kai saimnīcyskuos darbeibys veiciejiem.

Pīteikumus apvuiceibom var īsyuteit leidz 12. septembrim, rokstūt iz e-postu info@latgale.travel breivā formā, nūruodūt sovu vuordu i pavuordi, volūdu zynuošonys i īprīškejū pīredzi.