Rokstu sagataveja: portals lakuga.lv

Senlītu i retro mocikletu kolekcejis “Cīrulīši” saiminīks Dzintars Dvinskis 4. septembrī aicynoj dūtīs rudiņa īskaņu puorguojīnī pa Susaju pogostu Bolvu nūvodā, viestej Bolvu nūvoda turisma informacejis centra sagataveituo informaceja.

Puorguojīņa garums ir septeni kilometri i tuo laikā byus vareiba izzynuot, kas ir “Garīs ceļs”, Ikarina i Olksna, kas ir bičs, kugre i velekne. Taipoš guojieji ceļā varēs izzynuot vaira par interesantim vītvuordim i nūstuostim par Tepenīcys azaru i cīmu.

Guojīņa suokums byus pi Senlītu i retro mocikletu kolekcejis “Cīrulīši”. Adrese: “Cīrulīši”, Tepenīcys cīms, Susaju pogosts, Bolvu nūvods, GPS: 57.217308, 27.623920. Puorguojīņa suokums teik planavuots 11 stuņdēs. Sovpus pyrma puorguojīņa byus ari vareiba apsavērt “Cīrulīšu” kolekceju.
Pīsateikt puorguojīņam var leidz 1. septembram, aizpyldūt anketu ITE.
Daleibys moksa 3 eiro nu personys (bārnim bezmoksys), vaira informacejis var dabuot, zvonūt pa teleponu: 26446147. Leidza var jimt uzkūdys i čaju pušdīņu pauzei, kai ari apsamaukt atbylstūši īšonai dobā i uora apstuoklim.

Senlītu i retro mocikletu kolekcejis “Cīrulīši” kuormu kompleksā daži nu kuormu ir sasaglobuojuši vēļ nu senejuo Tepenīcys cīma laiku. Apmaklātuojim ir vareiba apsavērt senlītu kolekceju i aptyvai 40 vysaidu retro mocikletu i mopedu, kas ražuoti 20. godu symta 40.–90. godūs.