Suocīs gleznīceibys simpozejs “Marks Rotko 2022”

Suocīs gleznīceibys simpozejs “Marks Rotko 2022”

Rokstu sagataveja: portals lakuga.lv

Nu 2. da 16.  septembra Daugovpiļs Marka Rotko muokslys centrā nūtiks 18. Storptautyskais gleznīceibys simpozejs “Marks Rotko 2022”, informej centra puorstuovi.

Septembris Daugovpiļs Marka Rotko muokslys centrā īrostai paīt Marka Rotko zeimē, atzeimejūt muokslinīka dzimšonys dīnu i reikojūt simpozeju, kurā pīsadola gleznuotuoji i Rotko dailradis cīneituoji nu vysa pasauļa.

Storptautyskais gleznīceibys simpozejs “Marks Rotko” ir popularuokuo nūtikšona Rotko centra simpozeju programā. Kotru godu teik sajimti vairuoki desmiti dasacejumu, i īrūbežuotais gostu skaits līk storptautyskajai žurejai ar eipašu ryupeibu izviertēt sevkuru pretendentu.

Itūgod simpozejam izvālāti muokslinīki Pauls Lozano (Meksika), Sidharts Pataks (Indeja), Biļana Milenkoviča (Serbeja), Lihi Turjemana (Izraela), Amits Kalla (Indeja), Agata Žihliņska (Pūleja), Agata Magdalēna Sulikovska (Pūleja), Andrē Rigati (Brazileja), Mika Vesalahti (Sūmeja), Aleksejs Naumovs (Latveja) i Bence Kala (Ungareja).

Itī muokslinīki sovā daiļradē turpynoj īmīsuot Marka Rotko idejis caur sovu unikalū muokslinīcyskū redzīni. Jau pavysam dreiži dalinīku padareitū varēs apsavērt simpozeja kūpeigajā izstuodē, kas tiks atkluota 16. septembrī 16.00 stuņdēs.

Pyrma tuo sevkuram byus vareiba īpasazeit ar simpozistim i aizdūt vaicuojumus publiskuos muokslinīku prezentacejuos, kas nūtiks Rotko centra videozalē 8. i 9. septembrī 15.00 stuņdēs.

Print Friendly, PDF & Email

Kalenders

Jul
16
Ūtr
17:00 Rezidejūšūs muokslinīku publisku... @ Rotko muzejs
Rezidejūšūs muokslinīku publisku... @ Rotko muzejs
Jul 16 @ 17:00 – 18:30
16. julī 17.00 stuņdēs Rotko muzejā sevkuram byus vareiba īpasazeit tyvuok ar ostonim storptautyskim muokslinīkim publiskajuos prezentacejuos, kurymuos jī īpazeistynuos ar sevi i sovu dailradi.   Nedelis garumā, nu 12. da 19. juļa Eiropys Savīneibys[...]