Aicynoj iz presis konfereņci par Latgolys kongresa idejom politiskūs parteju programuos

Aicynoj iz presis konfereņci par Latgolys kongresa idejom politiskūs parteju programuos

Rokstu sagataveja: portals lakuga.lv

Latgolys kongresa lāmumu izpiļdis padūme (LKLIP), gaidūt 14. Saeimys vieliešonys, ir izstruodujuse memorandu, kas paredz politiskūs spāku apsajimšonu Latgolys i latgalīšu volūdys vaicuojumu rysynuošonā, paruodūt sevkura politiskuo spāka gataveibu īsasaisteit regiona izaugsmē. 21. septembrī 16.00 stuņdēs LKLIP prīšksādātuojs Agris Bitāns informēs sabīdreibu par tū, kuri politiskī spāki ir apsajāmuši eistynuot Latgolys kongresa idejis, viesteits padūmis puorstuovu atsyuteitajā informacejā.

2022. goda 27.–29. aprelī Rēzeknē nūtyka Latgolys kongress “Latgaliskuma kods Eiropā: nu volūdys da ekonomikai”, kas pulcēja vairuok par 100 ekspertu zynuotniski lītišķajuos diskusejuos. Kongresam kūpumā kluotīnē beja registrejušīs 343 delegatu, vīsu i klauseituoju. Kongress nūsaslādze ar rezolucejis pījimšonu.

LKLIP ir prezentejuse Latgolys kongresa rezolucejis idejis Saeimā, puorrunuojuse ar politiskajim spākim i aicynuojuse juos īkļaut parteju programuos, izceļūt, ka atteisteiba regionūs nasasnīdz golvyspiļsātys i Eiropys videjūs ruodeituoju leimeni, nūvuojinuotuo ekonomika i saspryngtuo geopolitiskuo situaceja naļaun Latgolys īdzeivuotuojim justīs puorlīcynuotim par cylvāku lobkluojeibu i regiona atteisteibu nuokūtnē.

Memorandā sevkurs politiskais spāks var paredzēt sovu davumu Latgolys regiona i latgalīšu volūdys atteisteibai. Itū šaļti vairuokys politiskuos partejis ir parakstejušys voi gotovys paraksteit sadarbeibys memorandu.

21. septembrī 16.00 stuņdēs LKLIP reikoj presis konfereņci, kurā informēs par sadarbeibu ar politiskajom partejom Latgolys kongresa lāmumu eistynuošonā. Presis konfereņce nūtiks Reigā, Luočplieša īlā 20a (6. stuovā) i tīšsaistē. Tīšsaistis adress tiks izsyuteits interesentim. Papyldvaicuojumi i tīšsaistis adresa dasaceišona: info@latgaleskongress.lv ci 26451355.

Vaira par Latgolys kongresu, tuo rezuloceju i jaunumim kongresa sātyslopā ITE.

Print Friendly, PDF & Email

Kalenders

Jul
13
Sai
19:00 Koncertizvadums “Atgriežamies La... @ Lejiscīma estrade
Koncertizvadums “Atgriežamies La... @ Lejiscīma estrade
Jul 13 @ 19:00 – 21:00
Latgolys cylvāku spāks i humora dzierksts, kai ari vaira nakai 100 nūspālātys “Latgola.lv” izruodis īdrūsynuojušys autorus taiseit koncertizvadumu “Atgriežamies Latgolā”. Itamā kompanejā ir apsavīnuojuši režisors Valdis Lūriņš, komponists Valdis Zilveris, dzīšmu tekstu autors Jānis Peters,[...]
22:00 Postfolklorys grupys “Rikši” uza... @ Rotko muzeja pogolms
Postfolklorys grupys “Rikši” uza... @ Rotko muzeja pogolms
Jul 13 @ 22:00 – 23:00
13. julī Daugovpiļs cītūksnī nūtiks 7. storptautyskais viesturyskuos rekonstrukcejis festivals “Dinaburg 1812”. Tū nūslēgs postfolklorys grupys “Rikši” uzastuošona.