Latvejis Nacionalajā bibliotekā apsaverama izstuode “Nepazust starp kontinentiem. Sprūdžu dzimta”

Latvejis Nacionalajā bibliotekā apsaverama izstuode “Nepazust starp kontinentiem. Sprūdžu dzimta”

Rokstu sagataveja: portals lakuga.lv

19. septembrī trymdys latgalīšam, biblioteku zynuotnīkam, storptautyskūs tīseibu zynuotņu bibliotekaram Ādolfam Sprūdžam (1922–2003) palyktu 100 godu. Juo īvāruojamais jubilejs beja īmeslis nu jauna izzynuot Sprūdžu saimis naatsveramū īguļdejumu i pastuosteit plotuokai sabīdreibai ituos dzymtys stuostu. Gūdynojūt Ā. Sprūdža symtgadi, 20. septembrī 18.00 stuņdēs Latvejis Nacionaluos bibliotekys (LNB) telpā “Retumu pasaule” (5. stuovā) nūtiks kamerizstuodis “Nepazust starp kontinentiem. Sprūdžu dzimta” atkluošona. Izstuode byus apsaverama da 2023. goda 21. janvara. Īīšona bez moksys.

Atkluošonys pasuokumā byus vareiba nūsaklauseit LNB vodūšuo pietnīka Latvejis Universitatis profesora Viestura Zandera sagataveitū prīšklasejumu “Ādolfs Sprūdžs un politiskais piemineklis – krājums “Res Baltica” (1968)”. Storptautyskai zynomā Nīderlandis apguodā izdūtuo gruomota ir storpnūzaru publikaceja, kas puorsnādz Latvejis diplomatam Alfredam Bīlmaņam veļteita izdavuma statusu. Izmontojūt Ā. Sprūdža personalfonda materialus, kas globojās LNB, atkluota kruojuma tapšonys prīškviesture, Ā. Sprūdža sadarbeiba ar tuo autorim, tymā skaitā ar Uldi Ģērmani i Dītrihu Andreju Lēberu, kai ari izdavuma rezonanse trymdys sabīdreibā.

Vitrinu eksponatu stuosts ļaun izsekuot Sprūdžu dzymtai kūpumā i golvonajim bruoļu Sprūdžu darbeibys vierzīnim, eipašu viereibu veļtejūt Ādolfam Sprūdžam, kura īguļdejums zynuotnē, profesionalajā darbeibā, Latvejis etniskuo vaļstiskuma saglobuošonā i naatkareibys atjaunuošonā na reizi viņ nūvārtāts ar augstuokajim vaļsts apbolvuojumim kai Latvejā, tai vītā, kur jis dzeivuoja.

Kamerizstuodē apsaveramys publikacejis, dzymtys saglobuotūs dokumentu kopejis, fotomateriali, kai ari pīminis prīškmati i Juoņa Sprūdža gleznys.

Sprūdži – izcyla i inteligenta nu Rēzeknis nūvoda Sakstagola guojuse latgalīšu dzymta, kurys puorstuovi beidzamūs symts godu viesturis nūtikšonu kontekstā īsasakņuojuši i atstuojuši palīkūšus nūspīdumus na viņ Latvejā, bet ari Amerikā i Kanadā, dorbojūtīs vysaiduos nūzarēs – bibliotekzynuotnē, jurisprudencē, kooperacejā, muokslā.

Paraleli bibliotekara i pedagoga dorbam Ādolfs Sprūdžs ir publiciejs vaira par 100 zynuotnisku dorbu angļu, fraņču i vuocu volūdā, veļtejūt tūs storptautyskūs tīseibu i storpvaļstu sakaru i leigumu vaicuojumim, kai ari Baļtejis vaļstu naatkareibai. Vaira par Ādolfu Sprūdžu var skaiteit Lilijis Limanis rokstā ITE.

Izstuodis satura i tekstu autori ir LNB Nūzaru literaturys centra i Biblioteku atteisteibys centra specialisti: Ilze Gensberga, Zane Krūmiņa, Ludmila Macpane, Irēna Moreino, Lauma Remese, Anda Saldovere, Elita Vīksna, Inga Vovčenko. Dizainu veiduojuse Tatjana Raičiņeca.

Izstuode apsaverama LNB dorba laikā.

24. septembrī Ādolfam Sprūdžam veļteits pasuokums nūtiks ari Fraņča Trasuna muzejā “Kolnasāta”, kurā pīsadaleis LNB puorstuovi, Ādolfa dāls Ugis Sprūdžs i folklorys kūpa “Kolnasāta”.

Print Friendly, PDF & Email

Kalenders

May
22
Tre
22:05 Egita Kancāne. Syltuo mola. Rade... @ Latvejis Radio 1
Egita Kancāne. Syltuo mola. Rade... @ Latvejis Radio 1
May 22 @ 22:05 – 23:00
Egita Kancāne. Syltuo mola. Radejis skaitejumi @ Latvejis Radio 1
Turpynojūt latgalīšu myusu dīnu literaturys īmyužynuošonys i populariziešonys dorbu, nu 21. da 24. maja Latvejis Radejis 1 eterā pyrmū reizi skanēs latgalīšu prozys dorbu izlase – stuosti i esejis, kuru autori ir Annele Slišāne, Valentins[...]
May
23
Cat
22:05 Valentins Lukaševičs. Casnāgu ma... @ Latvejis Radio 1
Valentins Lukaševičs. Casnāgu ma... @ Latvejis Radio 1
May 23 @ 22:05 – 23:00
Valentins Lukaševičs. Casnāgu maizeitis. Radejis skaitejumi @ Latvejis Radio 1
Turpynojūt latgalīšu myusu dīnu literaturys īmyužynuošonys i populariziešonys dorbu, nu 21. da 24. maja Latvejis Radejis 1 eterā pyrmū reizi skanēs latgalīšu prozys dorbu izlase – stuosti i esejis, kuru autori ir Annele Slišāne, Valentins[...]
May
24
Pīk
22:05 Raibīs. Pyrma syltī. Zalta tesmi... @ Latvejis Radio 1
Raibīs. Pyrma syltī. Zalta tesmi... @ Latvejis Radio 1
May 24 @ 22:05 – 23:00
Raibīs. Pyrma syltī. Zalta tesmini. Radejis skaitejumi @ Latvejis Radio 1
Turpynojūt latgalīšu myusu dīnu literaturys īmyužynuošonys i populariziešonys dorbu, nu 21. da 24. maja Latvejis Radejis 1 eterā pyrmū reizi skanēs latgalīšu prozys dorbu izlase – stuosti i esejis, kuru autori ir Annele Slišāne, Valentins[...]