Septeņu Latgolys īlu i cyti stuosti jaunajā žurnalā “A12”

Septeņu Latgolys īlu i cyti stuosti jaunajā žurnalā “A12”

Rokstu sagataveja: portals lakuga.lv

Izguojs žurnala “A12” oktobra/novembra numers, kurā var puorskaiteit sarunys ar akteri Juoni Kruoni, keramiki Unu Guru, J. Ivanova Rēzeknis muzykys vydsškolys pedagogi Inesi Pāvuli, taipat puorskaiteit Kolesniku saimis nu Ukrainys stuostu par biegļu gaitom i cytus rokstus.

Jaunuo “Zurnala A12” žurnala īvodā tuo redaktore Ināra Groce soka: “Itys ir uobeļu ražys gods, cieški doba daudzi dūd pyrma lelu soltumu zīmā, tai paleidzūt aiz laika sagataveit kruojumus gryutim laikim. Ka pījem, ka naviņ nu maizis puortīkam, tod pavasara sagaideišonai sakruotais ir padareitī dorbi, pasaceitī vuordi i kotrā dīnā pīdzeivuotais. Itamā vosorā dīnys i datumi nasaskaiteja, taida šaļts sagiušona – īspēt niu, napamest iz cytu dīnu. Ituo numera varūne, muzykys školuotuoja Inese Pāvule mums stuosta, ka juos tāvs nu izsyutejuma Sibirī syutejs viestulis, rokstūt, ka ar skaistumu mes uzvarēsim, i tys viesturiski ir ari pīsapiļdejs. Skaistuos muokslys rūsynoj dūmuošonu, tei ari ir rodūšuo ambiceja – īsaisteit muokslys dorba voi teatra skaiteituoju aktivā dzeivis pozicejā, byut naviņ vāruotuojam, nu leidza dorbuotīs procesūs.”

Žurnala “A12” oktobra/novembra numerī skaitit:

  • Aktuali – kai kara brīsmis puorvar Ukrainys bārni – Kolesniku saimis stuosts;
  • Akters Juoņs Kruonis (Kronis) – teatra izruožu miseja ituos šaļts geopolitiskajūs apstuokļūs;
  • Keramikis Unys Gurys ceļš da muokslai i golvonuos pādejā laikā dabuotuos atzinis;
  • Septeņu Latgolys īlu i tūs nūsaukumu atškireigī liktini;
  • Latgolā dzymušuos i augušuos operdzīduotuojis Annys Šņukutis pīpiļdeituo myuža stuosts;
  • Kur izcalta bazneiceņa Mīlesteibai – Rītumukrainys rumaņs Konstantins Bindju;
  • Aizrauteiguos J. Ivanova Rēzeknis muzykys vydsškolys pedagogis Inesis Pāvulis laimis formula;
  • Par aizrauteibu i dejis vajadzeibu – Ludzys deju kolektivu vadeituoja Sarmīte Stapule i cyti stuosti.

Kai īrosts žurnalā “A12” ari portala lakuga.lv sagataveituo informaceja par jaunumim latgaliskūs gruomotu plauktā, kai ari nu vysu žurnala puorskaitamūs sarunu taišni divejis sagatavejuši portala lakuga.lv ļauds – ar akteri Juoni Kruoni sasarunuoja redaktore Laura Melne, bet Annys Šņukutis stuostu atkluoja portala vadeituoja Edeite Husare.

Žurnals “A12” ir vareiba izzynuot par dzeivi i ļaudim Latgolā i pasaulī, puorskaiteit dažaidus dzeivisstuostus, pīsadaleit viesturiskūs ceļuojumūs laikā i telpā, kai ari byut atkluojumu i puordzeivuojumu dalinīkim. Vaira par vareibu abonēt (tū niu jau var izdareit 2023. godam) voi nūpierkt (kai digitalā, tai taustomā veidā) žurnalu ite: a12.lv.

Kalenders

Jun
12
Cat
17:00 Īleiguošona “Labietī” @ "Labietis"
Īleiguošona “Labietī” @ "Labietis"
Jun 12 @ 17:00 – Jun 13 @ 01:00
17.00 Vaiņuku veišonys darbneicys, vītys īkuortuošona, Juoņu vuortu pastateišona ar folklorys kūpom “Grodi” i “Garataka”. 19.00 Īleiguošona. Leigūtņu dzīduošona. Puišu i meitu apdzīduošona i apleiguošona. 20.00 Daņči ar “Grodim” i “Garataku” 21.00 Pūdelis sagataveišona i[...]
Jun
13
Pīk
18:00 Dzejis i muzykys vokors “Vysi vu... @ Latgolys viestnīceiba "Gors"
Dzejis i muzykys vokors “Vysi vu... @ Latgolys viestnīceiba "Gors"
Jun 13 @ 18:00 – 19:30
Dzejis i muzykys vokors, kurā fragmentus nu tūpūšuos gruomotys “Vysu vuordi” skaiteis latgalīšu literaruo andergraunda puorstuovs, multimuokslinīks Raibīs, bet dzīsmis nu albuma “Negaidīti varoņi” atskaņuos myusu dīnu tautys muzykys grupa “Nielslens Lielsliens”. Grupys koncerti izaceļ[...]
18:30 Izruode “Gaisma, es tevi dzirdu” @ Latvejis Leļu teatris
Izruode “Gaisma, es tevi dzirdu” @ Latvejis Leļu teatris
Jun 13 @ 18:30 – 20:00
Dokumentaluo taustive. Treis jaunys mārgys īvad myus sovā naīraudzeitā pasaulī – kai juos redz lītys, nūtikšonys i attīceibys tympus ocu, kū juos pīredz, sasateikūt ar cylvākim, kuri naredz, nagrib redzēt voi pat naīredz. Juos stuosta,[...]