Ari itūgod nūtiks tīšraidis pasuokums “Latgales diena”

Ari itūgod nūtiks tīšraidis pasuokums “Latgales diena”

Rokstu sagataveja: portals lakuga.lv

Turpynojūt pārņ suoktu tradiceju, ari itūgod Latgolys plānuošonys regions (LPR) aicynoj sagaideit novembri ar vierīneigu tīšraidis pasuokumu “Latgales diena 2022”, rūsynojūt īpazeit Latgolu vys nu jauna, informej LPR puorstuove Arnita Aleksejeva.

“Latgales diena 2022” nūtiks 9. novembrī nu 18.00 stuņdem tīšraidē nu “Fantadroma” Delfi Live i Latgolys plānuošonys regiona Facebook lopā.

Pasuokuma laikā varēs izzynuot Latgolys sātys ražuotuoju i amatnīku pīduovuojumus; īpasazeit ar drūsmeigim Latgolys uzjiemiejim, gūdynojūt Latgolys uzjiemiejdarbeibys centra organizātuo konkursa “Latgales reģiona uzņēmēju gada balva” laureatus; izbaudeit popularu muokslinīku – Dinārys Rudānis, grupys “Baritoni” i Vinetys Elksnis prīšknasumus, kai ari pasuokuma vadeituoju – zynomuo latgalīšu influencera Laura Zalāna i vysod atraktivuos saimineicys Vijis Kudinis – izbūrtū atmosferu i sagataveitūs puorsteigumus.

“Latgales diena” ir pasuokums, kas jau ūtrū godu ir LPR goda beigu vierīneiguokuo nūtikšona, kas ir veļteita Latgolys regiona uzjiemiejdarbeibys aktiviziešonai i atteisteibai, Latgolys puorstuovnīceibys darbeibys populariziešonai, kai ari vītiejūs uzjiemieju pīduovuotūs vareibu i regiona kai turisma golamierka prezentiešonai.

Latgolys uzjiemieji, sātys ražuotuoji i amatnīki aicynuoti pīsasaceit daleibai pasuokumā, leidz 2. novembram aizpyldūt pīsasaceišonys anketu ITE.

Aktualajai informacejai par “Latgales dienas 2022” nūtikšonu var sekuot Latgolys plānuošonys regiona sātyslopā i projekta UAP Latgale Facebook lopā.

Print Friendly, PDF & Email

Kalenders

Apr
15
Pyr
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Apr 15 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
Apr
16
Ūtr
12:00 Izruode “Spreideits” @ Daugovpiļs teatris
Izruode “Spreideits” @ Daugovpiļs teatris
Apr 16 @ 12:00 – 13:00
Pyrmū reizi nu teatra skotuvis puosoku luga „Sprīdītis” izskanēs latgaliski! Izruode ir paradzāta kai tim, kurim latgalīšu volūda ir dzymtuo, tai tim, kurim gribīs tū lobuok īpazeit, jo Spreideiša laimis mekliejumi ir labi zynomi i[...]