Zynomi Latgolys Turisma goda bolvys 2022 pretendenti

Zynomi Latgolys Turisma goda bolvys 2022 pretendenti

Rokstu sagataveja: portals lakuga.lv

Latgolys Turisma bolva ir goda svareiguokais turisma nūzaris pasuokums regionā. Tuos mierkis ir izceļt lobuokūs nūzaris profesionaļus – turisma uzjiemiejus, gidus, turisma centru darbinīkus, tūs cylvākus, kuri kasdīnā ar lapnumu dorbojās Latgolys turisma nūzarē i veicynoj kūpejū regiona atpazeistameibu. Itūgod Turisma goda bolvys tiks pasnāgtys jau septeitū reizi.

Latgolys Turisma asociaceja ir apkūpuojuse vysus dasacejumus, i itūgod iz Turisma bolvu 2022 septeņuos nominacejuos pretendej 34 Latgolys turisma nūzaris uzjiemieji.

Vīns nu regiona atteisteibys izaicynuojumu i Latgolys Turisma asociacejis ilgtermiņa darbeibys mierku ir veicynuot vīnmiereigu turisma nūzaris atteisteibu vysā regionā, i itūgod eistyn Turisma bolvys 2022 pretendenti puorstuov vairumu Latgolys nūvodu. Kai īrosts, Turisma bolvys pretendentus viertej kompetenta žureja, kurys sastuovā itūreiz ir: Latvejis Investiceju i atteisteibys agenturys Turisma departamenta Vacuokuo projektu vadeituoja Kristīne Mickāne, Latgolys žurnala “A12” redaktore Ināra Groce, Turisma goda bolvys 2021 sajiemieji kanipu saimisteibys “Obelisk farm” saiminīki Andris i Debora, kai ari Rēzeknis Tehnologeju akademejis docente i vairuoku ar turisma nūzari saisteitu projektu eistynuotuoja Lienīte Litavniece.

Turisma goda bolvys nominacejis i dasaceitī pretendenti:

Turisma profesionaļs (pasnādz Turisma informacejis centra darbinīkam voi individualajam komersantam (gidam, blogeram, vlogeram))

  • Gide Irēna Kjarkuža/Preiļu nūvods
  • Gide Anna Āze/Bolvu nūvods
  • Gids Vitālijs Petkuns/Daugovpiļs

Lobuokuo turisma mītne piļsātā

  • SanMari vīsneica/Daugovpiļs
  • Park hotel Latgola vīsneica/Daugovpiļs
  • VINService apartamenti/Rēzekne

Labuokuo turisma mītne laukūs

  • Atpyutys vīta Pasaka/Ludzys nūvods
  • Naktsmītne Lelbornis muiža/Augšdaugovys nūvods
  • Breivdīnu sāta Duni/Preiļu nūvods
  • Breivdīnu sāta Vosoras/Bolvu nūvods
  • Lobsajiutys komplekss Avotiņš/Leivuona nūvods

Labuokais turisma objekts (pasnādz kvalitati pīruodejušam turisma objektam naatkareigi nu tuo izveidis goda)

  • Jurita Mini ZOO/Augšdaugovys nūvods
  • Uzjiemiejs Latgolys Šmakovka/Ludzys nūvods
  • Pastuoveiguo multimedialuo izstuode “Kerbedzs: sekojot inženiertehniskajām idejām” Lūznovys muižā i muiža kūpumā/Rēzeknis nūvods
  • Kruoslovys Amatnīceibys centrs/Kruoslovys nūvods
  • Leivuona stykla i amatnīceibys centrs/Leivuona nūvods

Lobuokais jaunais turisma produkts Latgolā (pasnādz turisma objektam, kurs izveiduots pādejūs div godu laikā)

  • Izklaidis i Atpyutys parks “Škaldi”/Bolvu nūvods
  • Breivdīnu sāta Laimes Taure/Augšdaugovys nūvods
  • Atpyutys komplekss Ambro krasts/Augšdaugavas nūvods
  • Kopejneica/izklaidis vīta Kureti/Bolvu nūvods
  • Vacticeibnīku lauku sāta Upāni/Augšdaugovys nūvods
  • Izstuožu noms “Brīvvalsts dārgumu nams”/Rēzekne
  • Keramika Pētera Martinsona sāta/Daugovpiļs
  • Atpyutys vīta “Laivu māja”/Rēzekne

Goda amatnīks/sātys ražuotuojs/uzjiemiejs

  • Sātys ražuotuojs/uzjiemiejs Riga BBQ/Augšdaugovys nūvods
  • Sātys ražuotuojs/uzjiemiejs Dvietes īstais lauku Saldejums/Augšdaugovys nūvods
  • Sātys ražuotuojs/uzjiemiejs Lavandas Sēta/Augšdaugovys nūvods
  • Sātys ražuotuojs/uzjiemiejs Moonshine Kazanova/Augšdaugovys nūvods
  • Sātys ražuotuojs/uzjiemiejs Līvānu Ķiploks/Leivuona nūvods
  • Amatnīks Elvīra Škutāne/Kruoslovys nūvods
  • Sātys ražuotuojs/uzjiemiejs Organic Products/Ludzys nūvods
  • Sātys ražuotuojs/uzjiemiejs “Kurmīši”/Kruoslovys nūvods

Izcileibys bolva turismā (pasnādz turisma objektam, kurs snīdz vārā jemamu īguļdejumu vysa Latgolys regiona turisma populariziešonā).

  • Preiļu muižys komplekss i parks/Preiļu nūvods
  • Zyrgu sāta “Klajumi”/Kruoslovys nūvods.

Latgolys Turisma goda bolvu pasnēgšonys ceremoneja nūtiks Aglyunys Rodūšūs industreju centrā 1. decembrī iz reizis piec kasgadejuos Latgolys turisma konferencis, tuos dīnys pasuokuma programu var apsavērt ITE. Pasuokumu organizej Latvejis Investiceju i atteisteibys agenturys Turisma departaments i Latgolys Turisma asociaceja.

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]