Rokstu sagataveja: portals lakuga.lv

TV3 raidejumā “Ko neteikt?”, kas rauga mazynuot stereotipus i pasasmīt par aizsprīdumim, aizvadeituos nedelis tema beja “Kū nasaceit latgalīšim?”. Tymā ostoni latgalīši apsprīde vairuokus tuo veiduotuoju pīduovuotus stereotipus par Latgolu.

Muziks i akters Kristaps Rasims i radejis personeiba i influencers Lauris Zalāns, grupys “Baritoni” dalinīki Ingars Puncuļs i Mārtiņš Strods, grupys “Dabasu durovys” liders Arņs Slobožanins i pietneica Janīna Kursīte-Pakule, TV3 žurnaliste Katrīna Karzubova i Saeimys deputats Jurs Viļums raidejumā sprīde par tū, voi eistyn Latgolā dzer šmakovku reitā i vokorā, krīvu volūdu zyna lobuok nakai latvīšu i pīrūbežā navar redzēt i dzierdēt Latvejis televizeju i radeju. Taipat tyka aprunuots ari latgalīšu akcents i vuordu “čangaļs” i “čyuļs” nūzeime.