Rotko centrs aicynoj pīsasaceit Latgolys regiona muokslinīku konkursa izstuodei

Rotko centrs aicynoj pīsasaceit Latgolys regiona muokslinīku konkursa izstuodei

Rokstu sagataveja: portals lakuga.lv

Daugovpiļs Marka Rotko muokslys centrs izsludynuojs pīsasaceišonu Latgolys regiona muokslinīku konkursa izstuodei, kuruos tema itūreiz ir “Trāpīts desmitniekā”, viestej informaceja Rotko centra sātyslopā.

Intelekta spiejis izapauž kai prasmē plaši i labskaneigai apraksteit kaidu nūtikšonu, tai, vēļ jū vaira, raksturuot paruodeibu tik precizi, ka saceitajam vaira nav ni kuo dasaceit, na ībiļst. “Truopeit desmitnīkā” ir augstuokuo inteligencis pilotaža, kas mums kai dūmojūšom byutnem ir daīmama, verbalizejūt apleicejuos nūtikšonys.

Muokslinīcyskuo izpausme naapsarūbežoj ar vuordu atveiduošonu. Tei īkļaun vairuoku kategoreju kūpumus – formu, kruosu, kusteibu, gaismu, ānu, fakturu, skaņu, telpu, vysu apjaušamuo i naapjaušamuo pastuoviešonu. Muokslinīcyskuo “truopeišona desmitnīkā” sakņojās muokslinīka spiejā tik tuoli atsabreivuot sovuos izpausmēs, ka radeitais dorbs palīk par jaunu atskaitis punktu, nu kura var suoktīs diskuseja, streids, fantazeja, gandarejums, nyknums voi vēļ cyta emocionala reakceja.

Intelektualais impulss, kū roda muokslys dorba asameiba kluotyn, na vysod ir iz reizis uztverams. Tys ir kai pyrmais sūļs vēļ pyrma dūšonuos jaunūs atkluojumūs, kai gataveišonuos mierka sasnīgšonai, i bez itūs impulsu nav īdūmuojama sabīdreibys atteisteiba. Taišni deļtuo tik svareiga ir muokslinīcyskuos izpausmis breiveiba – vareiba byut piļneibā patīsam kai pret sevi, tai apleicejim i bez koč kai uorejūs voi īškejūs cenzurys žņaugu pravītyskai “truopeit desmitnīkā” ar tim intelektualajim impulsim, kas muokslinīkam daīmami.

Latgolys regiona muokslinīku izstuode Daugovpiļs Marka Rotko muokslys centrā nūtiks jau dasmytū reizi, partū muokslinīkus aicynoj “truopeit desmitnīkā” i pīsaceit sovus dorbus jubilejis izstuodei, kas aizsuoks Rotko centra pastuoviešonys desmitgadis svineibys.

Kab pīsasaceitu izstuodei, leidz 2023. goda 31. janvara 24.00 stuņdem juoaizpylda pīsasaceišonys anketa ITE. Izstuodei var pīsaceit vīnu, div voi treis dorbus.

Print Friendly, PDF & Email

Nūtikšonu kalendars

Feb
4
Sai
vysu dīnu TLMS “Dzīpariņš” 45 darbeibys go... @ Latgolys Kulturviesturis muzejs
TLMS “Dzīpariņš” 45 darbeibys go... @ Latgolys Kulturviesturis muzejs
Feb 4 vysu dīnu
Jaunū izstuožu godu Latgolys Kulturviesturis muzejs īsuoc kūpā ar ilggadejū i vysod atsauceigū sadarbeibys partneri – Tautys lītiškuos muokslys studeju “Dzīpariņš”. Tei nūdybynuota jau 1978. godā i apvīnoj sevī vysaidu paaudžu rūkdarbneicys, kurys saista kūpeiga[...]