Zīmys saulgrīžu tyvuošonuos laikā “Bez PVN” publicej dzīsmi “Jau ni mes”

Zīmys saulgrīžu tyvuošonuos laikā “Bez PVN” publicej dzīsmi “Jau ni mes”

Rokstu sagataveja: portals lakuga.lv

Kluotyn mieneša 8. datums i grupa “Bez PVN” turpynoj pīduovuot jaunys dzīsmis nu pavasarī gaidomuo jaunuo albuma “Paraleli horizonti”. Decembrī teik publicāta dzīsme “Jau ni mes”, dūmojūt par Zīmys saulgrīžu tyvuošonūs, viestej grupys publicātuo informaceja.

Par jaunuokū dorbu dzīsmis muzykys autors Kristaps Rasims soka: “Īt Zīmys saulgrīži i itymā laikā myusu seņči guoja čyguonūs (aba kekatuos, budeļūs). Cīši svareigs tāls itam ritualam beja “nuove”. Ļauds ticēja, ka tuos sātys, kuruos nuove jau ir pabejuse, tyvuokuo gods laikā tei vaira naīs gostūs. Čyguonu maskys i tāli beja dažaidi, bet jūs kūpeiguo miseja beja ar izskotu, dzīsmem i daņčim aizdzeit paceli vysus ļaunūs gorus i ticēt, ka vyss byus labi! Itys ir pīruodejums tam, ka myusu ļauds jau seņ ir saprotuši, ka lai voi kaids liktiņs ir atvalāts – juojem tys sovuos rūkuos i juoizavielej – dzeivoj laimeigs voi dzen sevi kopā. I vysam puori – itei vysod ir bejuse tymsys i gaismys ceiņa, kurā gaismai vysod ir juouzvar. Kab tai i byutu – lai tymsa nūdiļst i atīt gaisma! I kab ļauds, kas ir obejuos upis moluos sasateik, verās i redz, klausās i dzierd, i smejās kūpā!”

Dzīsmis “Jau ni mes” muzykys autors ir Kristaps Rasims, vuordus radejuši Kristaps Rasims i Guntis Rasims. Dzīsmis videoverseju taisejs Ivars Utināns, teksta video grafikys – Viola Lapa. “Skaidys” īraksteita studejā “Hodila Records” pi Girta Laumaņa i studejā “Reiga”, bet dzīsmis miksa i mastera apstruodis taisejs Armands Treilihs.

Jaunys dzīsmis publiciešona kotra mieneša 8. datumā suocēs septembrī ar dzīsmi “33”, pasaturpynuoja oktobrī ar “Batuts”, novembrī “Skaidys” i niu decembrī “Jau ni mes” ir catūrtais publicātais skaņdorbs. Atguodynojam, ka itys vyss nūvess iz grupys jaunuo albuma “Paraleli horizonti” prezentacejis koncertu, kas paradzāts cyta gods 18. martā Latgolys viestnīceibā GORS Rēzeknē. Koncerta beletus var nūpierkt ITE.

Koncertā “Paraleli horizonti” grupa apvīnuos sova jaunuokuo studejis albuma prezentaceju ar dzīšmu vysaida veida interpretacejom. Koncertā uzastuos ari cyti gosti i “Bez PVN” draugi. Jaunajā albumā byus apkūpuotys kovida īrūbežuojumu i sātā siediešonys laikā pīdzymušuos “Bez PVN” dzīsmis. Īprīškejais lelais grupys koncerts taišni Latgolys viestnīceibā GORS izskanēja 2019. goda oktobrī. Tū var nūsavērt ITE.

Grupā “Bez PVN” dorbojās: Kristaps Rasims (bolss, elektriskuo gitara), Guntis Rasims (bolss, akustiskuo gitara), Juris Vucāns (bolss, elektriskuo gitara, tausteni), Valdis Vucāns (basa gitara) i Normans Bārbals (bungys).

Print Friendly, PDF & Email

Kalenders

Apr
13
Sai
all-day Osvalda Zvejsalnieka pīminis izs... @ Latgolys Kulturviesturis muzejs
Osvalda Zvejsalnieka pīminis izs... @ Latgolys Kulturviesturis muzejs
Apr 13 all-day
Izstuodē tiks eksponātys muokslinīka gleznys nu Latgolys Kulturviesturis muzeja Muokslys kolekcejis, kas puorsvorā atspīgeļoj juo agreimū rodūšū darbeibu 20. g. s. 70. godūs, kai ari 80. godu rodūšajā pylnbrīdā radeituos lelformata figuraluos kompozicejis i portretus.
19:00 Grupys “Galaktika” albuma prezen... @ Kuldeigys kulturys centrs
Grupys “Galaktika” albuma prezen... @ Kuldeigys kulturys centrs
Apr 13 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]