Kulturys īsacejumi nedeļai: zīmys prīcys i svātku klasika

Kulturys īsacejumi nedeļai: zīmys prīcys i svātku klasika

Rokstu sagataveja: portals lakuga.lv

Vīna nu vītu, kur itymā godalaikā baudeit zīmys prīcys, ir Rēzeknis nūvoda Sarkaņkolns ar sliepuošonys trasi. I taišni tūnedeļ, saļteņu pyrma pošu svātku, dzimšonys dīnu svietej Sarkaņkolna puorvaļdnīks, Latvejis Finiera fonda ilgtspiejeigai atteisteibai vaļdis lūceklis, ari Rēzeknis pyušamūs instrumentu orkestra muzikis i vīns nu kanala “Im a’mazed” kinu miniešonys spieļu daleibnīku – Arnis Krancāns. Zīmyssvātku nedeļā pīduovojam Arņa īsacejumus svātku laikam.

Zīmys sezona Sarkaņkolnā

Kai vīnu nu aktivitašu na viņ breivdīnom i itai nedeļai, bet vysai zīmys sezonai nūteikti īsoku atbraukšonu gostūs pi myusu – iz Sarkaņkolna sliepuošonys trasi. Sarkaņkolns ir augstuokais punkts Adamovys azara dobys parkā, kur var na viņ sliepuot, bet ari baudeit breineigus zīmys skotus, baudeit syltus dzierīņus i burito, kū pīduovoj “Fresh terase” (daīmama, kod dorbojās trase). Ka nav sovu sliepu voi snīgadieļa, tod tū vysu ir vareiba dabuot ari iz vītys. I tys, kū vēļ gribīs izceļt – pi myusu var tikt ari pi snīgadieļa instruktora, kurs braukt ar tū vuiceis latgaliski!

@voluuda

Cikom ir snīgs, tikom brauc izbaudeit šmukū Sarkaņkolna apleicīni. 🗻 Ka namuoki braukt ar slēpem⛷ voi snīgadieli🏂, nasasatrauc, Haralds tevi īvuiceis! 💪🏻

♬ original sound – Volūda

Svātku kino klasika

Zīmyssvātku laikā kai taidu lobu tradiceju īsoku nūsavērt ari britu komedeju “Taida ir mīlesteiba” (Love Actually) (2023. godā tei svieteis jau 20 godu nu izīšonys!). Filma ir soldona mīlesteibys komedeja, kurā vairuoki puori golā sasateik Zīmyssvātku koncertā, aplīcynojūt, ka Zīmyssvātki ir breinumu laiks. Vaira nikuo stuosteit par kinu nagrybu, lai palīk intriga pošim tū nūsavērt. Ka nasagrib viertīs kinu, var ari nūsavērt kaidu nu “Im a’mazed” kinu miniešonys spieļu sereju, kur es i vēļ cyti ļauds rauga atminēt kinys tik piec vīna kadra. Spieli var viertīs ITE.

Zīmyssvātku puosoka baletā

26. decembrī Latgolys viestnīceibā GORS gasteis baleta kompanejis “Sofia Festival Ballet” muokslinīki ar Zīmyssvātku laikam tradicionalū baleta izruodi – Zīmyssvātku puosoku “Rīkstkūds”. Īsoku svātku plānūs dalikt ari baleta izruodi, jo itei ir vīna nu rešūs reižu, kod pošim nav juobrauc iz Reigu, kab radzātu breineigu izruodi! Muns īsacejums vysim ir ar svaigom acim pasavērt iz seņ aizmierstom, bet kvalitativom izruodem, redzēt, kai muokslinīki atsateista laikam leidza i ari lauž stereotipus par klasiskom izruodem. Itamā reizē baleta trupā byus apsavīnuojuši doncuotuoji nu Bulgarejis, Norvegejis, Makedonejis, Rumanejis i cytu vaļstu nacionalūs operu i baletu teatru.

Baleta izruodis “Rīkstkūds” publicitatis karteņa
Print Friendly, PDF & Email

Nūtikšonu kalendars

Feb
4
Sai
vysu dīnu TLMS “Dzīpariņš” 45 darbeibys go... @ Latgolys Kulturviesturis muzejs
TLMS “Dzīpariņš” 45 darbeibys go... @ Latgolys Kulturviesturis muzejs
Feb 4 vysu dīnu
Jaunū izstuožu godu Latgolys Kulturviesturis muzejs īsuoc kūpā ar ilggadejū i vysod atsauceigū sadarbeibys partneri – Tautys lītiškuos muokslys studeju “Dzīpariņš”. Tei nūdybynuota jau 1978. godā i apvīnoj sevī vysaidu paaudžu rūkdarbneicys, kurys saista kūpeiga[...]