Ar keramikys izstuodi Latgolys viestnīceibā GORS nūsaslādz projekts “es par tymsu nabāduoju”

Ar keramikys izstuodi Latgolys viestnīceibā GORS nūsaslādz projekts “es par tymsu nabāduoju”

Rokstu sagataveja: portals lakuga.lv

Nūsasliedzs Ludzys nūvoda pošvaļdeibys projekts “Kai Latvejis kuļturys kanons sorgoj i dūd gaismu voi es par tymsu nābāduoju”, informej J. Soikāna Ludzys muokslys školys direktore Sandra Vorkale. Projekta laikā ar Latgolys pūdnīceibys pamatmateriala – muola – starpnīceibu kūpeigā rodūšā i izgleitojūšā procesā tyka apvīnuoti pusaudži i pīaugušī. Leidz 8. janvaram projekta izstuodi vēļ var apsavērt Latgolys viestnīceibā GORS.

Ar Latgolys kulturys programys 2022 atbolstu realizātuo projekta rezultatā tyka radeits viestejums “es par tymsu nābāduoju” i projekta dalinīki palyka par taidim, kas spiej duovuot i sorguot gaismu, dūt ciļvieceibys syltumu, pusaudžu pruotūs tyka īsāta ideja par keramika voi pūdnīka profeseju, kai ari tyka veiduota storptautyska sadarbeibys “laipa” dūmu apmaiņai par tradicionalū pūdnīceibu i laikmeteigū keramiku.

2022. gods 16. septembrī i 14. oktobrī nūtyka meistardarbneicys pīcuos Latgolys vītuos (Daugovpiļs Muola muokslys centrā, Kruoslovys omotu sātā, P. Čerņavska darbneicā, P. Gailuma darbneicā, Ludzys amatnīku centrā) pi sešu Latgolys keramiku: Unys Gurys, Olgys i Valda Pauliņu, Raivo Andersona, Maijis Gailumys, Ērika Kudļa. Tamuos pīsadaleja 13 izgleiteibys īstuodis: Bolvu muokslys škola, Īlyukstis muzykys i muokslys škola, Jēkaba Graubiņa Leivuona Muzykys i muokslys škola, Kuorsovys Muzykys i muokslys škola, apvīnuotuo Kruoslovys nūvoda Muzykys i muokslys škola (t.sk. Indrys i Dagdys) , Maltys vydsškola, Maltys bārnu i jaunīšu centrs, Nautrānu vydsškola, Rēzeknis Muokslys i dizaina vydsškola, Rēznys pamatškola, Špogu Muzykys i muokslys škola, Viļānu Muzykys i muokslys škola, Zylupis Muzykys i muokslys škola i J. Soikāna Ludzys muokslys škola.

Meistardarbneicuos bārni radeja sovu unikalū gaismys trauku, svečturi, sieteņu, lukturi. Kūpā – 95 vysaiduoki dorbi, kurim izstuodē pīsavīnuoja ari muokslineicys Talitys Romančukys teiksmainī tāli. Tūs īprīšk varēja apsavērt Nautrānu sporta hallē-kulturys nomā i Lūznovys muižā, tok niu, leidz 8. janvaram, tī apsaverami Latgolys viestnīceibā GORS.

Taipat projekta laikā, suocūt nu 9. septembra, četrys pīktdīnis tīšsaistē varēja pīsadaleit seminaru cyklā “Māls – saruna ar sevi un pasauli”, kurā kai lektori uzastuoja Japanys muokslinīks Kōiči Maeda i japaņu volūdys puorzynuotuojs Ugis Nastevičs, Salacgreivys muokslys školys direktors Imants Klīdzējs i geografs Ivars Matisovs.

Projekta eistynuotuoji – J. Soikāna Ludzys muokslys škola – pasasoka keramikys i pūdnīceibys meistarim par sovys rodūšuos energejis, profesionaluos meistareibys i gora syltuma duovuošonu bārnim; lektorim – par vierteigom i vitalom sarunom, izstuožu vītom par drūsu, estetisku i daīmamu vidi, kab var sasatikt gaismys sorgi – bārnu i profesionaļu radeitī lukturi, svečturi i tt. – i skateituoji.

Kalenders

Jun
12
Cat
17:00 Īleiguošona “Labietī” @ "Labietis"
Īleiguošona “Labietī” @ "Labietis"
Jun 12 @ 17:00 – Jun 13 @ 01:00
17.00 Vaiņuku veišonys darbneicys, vītys īkuortuošona, Juoņu vuortu pastateišona ar folklorys kūpom “Grodi” i “Garataka”. 19.00 Īleiguošona. Leigūtņu dzīduošona. Puišu i meitu apdzīduošona i apleiguošona. 20.00 Daņči ar “Grodim” i “Garataku” 21.00 Pūdelis sagataveišona i[...]
Jun
13
Pīk
18:00 Dzejis i muzykys vokors “Vysi vu... @ Latgolys viestnīceiba "Gors"
Dzejis i muzykys vokors “Vysi vu... @ Latgolys viestnīceiba "Gors"
Jun 13 @ 18:00 – 19:30
Dzejis i muzykys vokors, kurā fragmentus nu tūpūšuos gruomotys “Vysu vuordi” skaiteis latgalīšu literaruo andergraunda puorstuovs, multimuokslinīks Raibīs, bet dzīsmis nu albuma “Negaidīti varoņi” atskaņuos myusu dīnu tautys muzykys grupa “Nielslens Lielsliens”. Grupys koncerti izaceļ[...]
18:30 Izruode “Gaisma, es tevi dzirdu” @ Latvejis Leļu teatris
Izruode “Gaisma, es tevi dzirdu” @ Latvejis Leļu teatris
Jun 13 @ 18:30 – 20:00
Dokumentaluo taustive. Treis jaunys mārgys īvad myus sovā naīraudzeitā pasaulī – kai juos redz lītys, nūtikšonys i attīceibys tympus ocu, kū juos pīredz, sasateikūt ar cylvākim, kuri naredz, nagrib redzēt voi pat naīredz. Juos stuosta,[...]