Kulturys īsacejumi nedeļai: īsuoc jaunū godu ar atpyutu, kulturu i jaunom apsajimšonom

Kulturys īsacejumi nedeļai: īsuoc jaunū godu ar atpyutu, kulturu i jaunom apsajimšonom

Rokstu sagataveja: portals lakuga.lv

Jauna goda suokys īrosts ir jaunu apsajimšonu laiks, tok, kab nazkū apsajimt i īsuokt jaunū godu ar sporu, svareigi suokumā pasaryupēt par sevi. 2023. gods pyrmū nedeļu suokt ar atpyutu, kulturu i jaunom apsajimšonom īsoka gostu sātys “Svilpaunieki” saiminīks Mārtiņš Kiščenko.

Sviļpaunīku pierts i kubuls

Jaunais gods bīži viņ suocās ar jaunom apsajimšonom. Pyrma mes apsasūlom sovā dzeivē īvest jaunumus i mestīs vēļ nazynomūs izaicynuojumūs, ir svareigi pasaryupēt par sevi. Partū jauna gods pyrmajā nedeļā i piečuok īsoku pasaryupēt par sovu mīsu i goru Sviļpaunīku pierts kompleksā, kur ir vareiba baudeit divejis dažaidys pierts – tvaika i saunu. Izasiļdeit uora kubulā i piec pierts ritualu baudeit syltu zaļū čaju pierts atpyutys telpā.

Karteņā: Sviļpaunīku pierts

Lūznovys muižys apleicīnis i kulturys izbaudeišona

Piec pierts apmekliejuma nasasteidz iz sātu, bet izbaudi Lūznovys muižys parka skaistū apleicīni i tuos kulturtelpu – Lūznovys muižu. Vēļ tik itūnedeļ muižys izstuožu telpā ir apsaverama izstuode “Ungarejis pasauļa montuojums” vītu attāluojums grafikā. Taipat pastuoveiguo interaktivuo izstuode “Kerbedzs: sekojūt inženiertehniskajom idejom”, “Sikspuorņu informativuo izstuode” i “Latgolys pūdnīku ekspoziceja”. Koč i itamā nedeļā nanūteik nivīns koncerts, aicynoju atsagrīzt Lūznovā 21. janvarī iz džeza baroka koncertu i īpazeit Lūznovys muižu tod, kod tuos kruošņuos telpys pīpylda muzyka.

Karteņā: Antals Revess, grafikys

Jaunuo gods apsajimšonys

Atsagrīžūt pi jaunuo gods apsajimšonu, ka tev vēļ nav izdūmuota apsajimšona, tok gribīs izjust vēļ nabejušys i pateikamys sajiutys, tod īsoku paraudzeit zīmys mauduošonu aba rūņuošonu. Tei paleidz sakuortuot pruotu, uzloboj imunitati, īvuica pareizi elpuot i šaļteņu aizmierst par kasdīnys klopotom i skrīšonu, tok tys juodora pruoteigai. Lūznovys apleicīnē i Rēzeknis nūvodā kūpumā ir vairuokys vītys, kur vītejī entuziasti īt rūņuot, par pīmāru, Odumovys azars voi Radopolis azars. Es pats baudu zīmys mauduošonu Sviļpaunīku lasminī, kas atsarūn blokus gostu sātys pierteņai. Ka gribi paraudzeit zīmys mauduošonu jau gotovā lasminī, tod gaideišu Sviļpaunīku gostu sātā. (Vālams pyrma tuo saskaņuot, pīzvonūt +371 25425522).

Karteņā: lasmiņs Radopolis azarā
Print Friendly, PDF & Email

Nūtikšonu kalendars

Feb
4
Sai
vysu dīnu TLMS “Dzīpariņš” 45 darbeibys go... @ Latgolys Kulturviesturis muzejs
TLMS “Dzīpariņš” 45 darbeibys go... @ Latgolys Kulturviesturis muzejs
Feb 4 vysu dīnu
Jaunū izstuožu godu Latgolys Kulturviesturis muzejs īsuoc kūpā ar ilggadejū i vysod atsauceigū sadarbeibys partneri – Tautys lītiškuos muokslys studeju “Dzīpariņš”. Tei nūdybynuota jau 1978. godā i apvīnoj sevī vysaidu paaudžu rūkdarbneicys, kurys saista kūpeiga[...]