Kab beidzūt mīrs pasaulī i mīrs myusūs. Grupa “Bez PVN” publicej janvara dzīsmi “Plyudi”

Kab beidzūt mīrs pasaulī i mīrs myusūs. Grupa “Bez PVN” publicej janvara dzīsmi “Plyudi”

Rokstu sagataveja: portals lakuga.lv

Svātdiņ, 8. janvarī, grupa “Bez PVN” klauseituojim pīduovoj sovu jaunuokū dorbu “Plyudi” nu tūpūšuo albuma “Paraleli horizonti”, turpynojūt kotra mieneša 8. datumā publicēt jaunu dzīsmi i gaideit albuma prezentacejis koncertu.

Par jaunuokū dorbu “Plyudi” grupys liders Kristaps Rasims stuosta: “Mes niu asam plyudu puorjimti. Kaidam pludoj radā takūšuo upe. Kaidam pylna golva – ka puori leist. Kaids saplyust ar sovu meiļuotū cylvāku vīnā straumē, i tai plyust, cikom īsastuoj piļneigs sausums. Ukraina, dīvamžāļ, vys vēļ pludoj naida, naciļvieceibys i krīv-beZjiedzeibys plyudūs. Ir juotic i juoatguodoj, ka taišni piec plyudu zeme apsaiudiņuojuse ir vysaugleiguokuo, kab brīstu, augtu i zaļuotu. I tod jau – “piec myusu koč plyudi…” A,  pruotā viņ byudi, kas sasavykušs smaidā… Kab beidzūt mīrs pasaulī i mīrs myusūs!”

Dzīsmis “Plyudi” vuordu autors Kristaps Rasims, bet pi muzykys struoduojuši vysi grupys daleibnīki. Dzīsmis videoverseju taisejs Ivars Utināns, ar gaismom struoduojs Rihards Skrebs, doncuotuoja videoklipā – Arina Buboviča, bet teksta video grafikys salykuse Viola Lapa. “Plyudi” īraksteita studejā “Hodila Records” pi Girta Laumaņa i studejā “Reiga”, bet dzīsmis miksa i mastera apstruodis taisejs Armands Treilihs.

Jaunys dzīsmis publiciešona kotra mieneša 8. datumā suocēs septembrī ar dzīsmi “33”, pasaturpynuoja oktobrī ar “Batuts”, novembrī “Skaidys”, decembrī “Jau ni mes” i niu “Plyudi” ir jau pīktais publicātais skaņdorbs. Atguodynojam, ka itys vyss nūvess iz grupys jaunuo albuma “Paraleli horizonti” prezentacejis koncertu, kas paradzāts cyta gods 18. martā Latgolys viestnīceibā GORS Rēzeknē. Koncerta beletus var nūpierkt ITE.

Koncertā “Paraleli horizonti” grupa apvīnuos sova jaunuokuo studejis albuma prezentaceju ar dzīšmu vysaida veida interpretacejom. Koncertā uzastuos ari cyti gosti i “Bez PVN” draugi. Jaunajā albumā byus apkūpuotys kovida īrūbežuojumu i sātā siediešonys laikā pīdzymušuos “Bez PVN” dzīsmis. Īprīškejais lelais grupys koncerts taišni Latgolys viestnīceibā GORS izskanēja 2019. goda oktobrī. Tū var nūsavērt ITE.

Grupā “Bez PVN” dorbojās: Kristaps Rasims (bolss, elektriskuo gitara), Guntis Rasims (bolss, akustiskuo gitara), Juris Vucāns (bolss, elektriskuo gitara, tausteni), Valdis Vucāns (basa gitara) i Normans Bārbals (bungys).

Print Friendly, PDF & Email

Nūtikšonu kalendars

Feb
4
Sai
vysu dīnu TLMS “Dzīpariņš” 45 darbeibys go... @ Latgolys Kulturviesturis muzejs
TLMS “Dzīpariņš” 45 darbeibys go... @ Latgolys Kulturviesturis muzejs
Feb 4 vysu dīnu
Jaunū izstuožu godu Latgolys Kulturviesturis muzejs īsuoc kūpā ar ilggadejū i vysod atsauceigū sadarbeibys partneri – Tautys lītiškuos muokslys studeju “Dzīpariņš”. Tei nūdybynuota jau 1978. godā i apvīnoj sevī vysaidu paaudžu rūkdarbneicys, kurys saista kūpeiga[...]