Aptaujis “Muzikālā banka” finalā tykuse ari dzīsme “Muoseņa”

Aptaujis “Muzikālā banka” finalā tykuse ari dzīsme “Muoseņa”

Rokstu sagataveja: portals lakuga.lv

Paziņuotys 15 dzīsmis, kas piec skateituoju i žurejis viertejuma tykušys Latvejis Radejis 2 aptaujis “Muzikālā banka” finalā i turpynoj ceiņu par 2022. gods vierteiguokuos popa i roka dzīsmis titulu. Tūs vydā ir ari vīna dzīsme latgaliski – grupys “Tautumeitas” i Renāra Kaupera izpiļdeituo “Muoseņa”.

Dzīsmis “Muoseņa” tekstā sasavej latgalīšu tautysdzīsme i Renāra Kaupera teksts, bet muzyku radejuši Asnate Rancāne, Renārs Kaupers i ari dzīsmis producents Povels Olsens nu Zvīdrejis.

Bolsuojuma ūtrajā kuortā leidz 24. janvaram muzikalabanka.lv sevkuram reizi dīnā ir vareiba nūbolsuot par sovu meiļuokū dzīsmi. Ar pylnu finalistu sarokstu var īpasazeit ITE.

Ari itūgod aptaujis “Muzikālā banka” apbolvuošonys ceremoneja nūtiks Latgolā, Daugovpiļs Olimpiskajā centrā. Tū 28. janvara vokorā varēs ari vērtīs tīšraidē LTV1 voi klauseitīs Latvejis Radejā 2. Pasuokumu itūreiz vadeis Latvejis Nacionaluo teatra akters Igors Šelegovskis aba repers indigo.

Dzīsmis finalā viertēs na tik skateituoji, bet ari žureja, kurā ir operdzīduotuoja Sonora Vaice, pianists Andrejs Osokins, dirigents Jurgis Cābulis, dzīduotuoja i vokaluo pedagoge Beāte Zviedre, grupys “Pienvedēja piedzīvojumi” muziks Māris Žigats, muziks i komponists Aigars Voitiškis, komponiste i grupys “Latvian Voices” dzīduotuoja Laura Jēkabsone, komponists i producents Edgars Vilcāns, Latvejis Nacionaluo teatra dzīdūšais akters Raimonds Celms, kai ari kulturys redaktors i muzykys žurnalists Kaspars Zavileiskis.

Ari īprīšk aptaujis “Muzikālā banka” finalā ir tykušys dzīsmis latgaliski, kū izpiļdeja “Borowa Mc”, Guntra, “Dabasu durovys”. Leluokais panuokums latgalīšim bejs pyrma 17 godu, kod aptaujā uzvarēja grupys “Borowa Mc” dzīsme “Vysskaistuokajai meitiņai”

Print Friendly, PDF & Email

Nūtikšonu kalendars

Feb
4
Sai
vysu dīnu TLMS “Dzīpariņš” 45 darbeibys go... @ Latgolys Kulturviesturis muzejs
TLMS “Dzīpariņš” 45 darbeibys go... @ Latgolys Kulturviesturis muzejs
Feb 4 vysu dīnu
Jaunū izstuožu godu Latgolys Kulturviesturis muzejs īsuoc kūpā ar ilggadejū i vysod atsauceigū sadarbeibys partneri – Tautys lītiškuos muokslys studeju “Dzīpariņš”. Tei nūdybynuota jau 1978. godā i apvīnoj sevī vysaidu paaudžu rūkdarbneicys, kurys saista kūpeiga[...]