Kai latgaliski pīraksteit 2022. gods vuordu, navuordu i spuornuotū teicīni

Kai latgaliski pīraksteit 2022. gods vuordu, navuordu i spuornuotū teicīni

Rokstu sagataveja: portals lakuga.lv

Reigys Latvīšu bīdreibys Latvīšu volūdys atteisteibys kūpa sadarbeibā ar Latvejis Rakstnīku savīneibu itūgod jau divdasmytū reizi reikuoja aptauju, kab nūskaidruotu īprīškejuo goda vuordu, navuordu i spuornuotū teicīni. Portals lakuga.lv Vaļsts volūdys centra lingvistei Muorai Mortuzānei-Muravskai vaicuoja, kai pareizi latgaliski pīraksteit 2022. gods vuordu “okupeklis”, navuordu “sankcionēt, sankcionētās personas”, kai ari obejus spuornuotūs teicīņus – “Lai Krievijai būtu nākotne, to vajag izPutināt” i “gājēju pārbrauktuve”.

Aptaujis žurejā struoduoja žurnala “Domuzīme” golvonuo redaktore Rudīte Kalpiņa, literaturfilosofe i tulkuotuoja Ieva Kolmane, tulkuotuojs i Latvīšu volūdys atteisteibys kūpys vadeituojs Ugis Nastevičs, Latvejis Okupacejis muzeja vodūšuo pietneica, sociolingviste Vineta Puoriņa, komunikacejis praktiks Pēteris Pūrītis, literaturzynuotneica, latvīšu volūdys i literaturys školuotuoja Lita Silova, akademiks Andrejs Veisbergs i žurnalists i publicists Egils Zirnis. Jūs viertiejumā 2022. gods vuords ir “okupeklis” aba pīmineklis kai okupacejis laiku palīka, navuords – “sankcionēt, sankcionētās personas”, kū bīži lītoj napareizi, partū ka “sankcionēt” nūzeimej juridiski apstyprynuot, pīškirūt lykuma spāku, i dūt pīkrisšonu voi atļuovi. Pareizuok byutu saceit “sankcejom pakļautuos personys”. Par goda savuorstejumu atzyna boksera Maira Brieža aicynuojumu: “Laiks piecelties un iztaisnot savas saliektās galvas!” Spuornuotūs teicīņu kategorejā tyka izcalti diveji – žureja par uzvarātuoju atzyna redaktora Artura Hansona “Lai Krievijai būtu nākotne, to vajag izPutināt”, bet Reigys Latvīšu bīdreibys vaļde par lobuokū atzyna vuordu salykumu “gājēju pārbrauktuve”.

Vaļsts volūdys centra lingviste Muora Mortuzāne-Muravska nūruoda, ka ari latgaliski goda vuords byutu juoroksta taipat – “okupeklis”. Goda navuords latgaliski byutu “sankcionēt, sankcionātuos personys”, sovpus spuornuotī teicīni – “guojieju puorbrauktive” i “Lai Krīvejai byutu nuokūtne, jū vajag izPutinēt”.

Leidzeigu aptauju vys jau byutu interesanti raudzeit sataiseit ari latgalīšu volūdai, kab pīvārstu leluoku viereibu pareizam volūdys lītuojumam i skaidruotu sabīdreibai volūdys normys.

Print Friendly, PDF & Email

Kalenders

Jun
15
Sai
all-day Gitys Palmys izstuode “Vilcienu ... @ Roberta Mūka muzejs
Gitys Palmys izstuode “Vilcienu ... @ Roberta Mūka muzejs
Jun 15 all-day
Nu 12. apreļa da 15. juņa Roberta Mūka muzejā Gaļānūs apsaverama muokslineicys Gitys Palmys gleznu izstuode “Vilcienu meitenes stāsts”. Izstuodē apsaveramys i vairuoku godu laika periodā radeituos, i publikai īprīšk naparuodeitys, kai ari pavysam jaunys[...]