Izsludynuota latgalīšu rokstu volūdys i kulturviesturis olimpiade i konkurss “Vuolyudzāni” (lobuots)

Izsludynuota latgalīšu rokstu volūdys i kulturviesturis olimpiade i konkurss “Vuolyudzāni” (lobuots)

Rokstu sagataveja: portals lakuga.lv

Piec treis godu saskarsmis tryukuma tīšsaistē 29. aprelī beidzūt kluotīnē, Rēzeknis Vaļsts 1. gimnazejā, nūtiks skotuvis runys konkurss “Vuolyudzāni” i vaļsts atkluotuo latgalīšu rokstu volūdys olimpiade, informej Latgalīšu volūdys, literaturys i kulturviesturis školuotuoju asociacejis (LVLKŠA) vadeituoja Veronika Dundure.

Skotuvis runys konkurss “Vuolyudzāni” startēs jau 23. reizi. Ar itū konkursu izauga daudzys jaunīšu  paaudzis, konkursā daudzi runuoja pyrmū reizi latgaliski, daudzi piec konkursa suoka i tagad turpynoj dorbuotīs latgaliskajuos aktivitatēs, poši tuos organizej.  Tī nav tik skaneigi vuordi, kas raksteiti konkursa nūlykumā par latgalīšu volūdys kūpšonu, par latgalīšu literaturys īpazeišonu, par sovys identitatis styprynuošonu. Dzejneica Anna Rancāne “Vuolyudzānus” nūsauce par pavasara prīcu. Byudama ilggadejuo konkursa vārtātuoja, jei pastreipoj, ka vuolyudzāni teik golā ar nūpītnu, dziļu literaturu, ka vacumam muok izavielēt pīmāruotu reperturu. Konkurss līcynoj, ka saimēs ir dzeiva latgalīšu volūda i, golvonais, bārni jū muok i lītoj.  Konkursa nūlykumā ir aicynuojums meklēt tekstus jaunuokajā latgalīšu literaturā.

“Vuolyudzānu” nūlykums

Latgalīšu rokstu volūdys atkluotuo olimpiade itūgod byus pīcuos kuortuos. Tradicionali – pyrmajā kuortā ir latgalīšu volūdys pareizraksteiba, bet pīktajā kuortā – Latgolys kulturtests. Itūreiz trešuo olimpiadis kuorta veļteita Ontonam Slišānam, juo dorbam “Čipierkstneits jeb apcirsto sakņu pieaudzēšana”, akcentejūt latgaliskuos vidis veiduotuojus i O.Slišāna lūmu itymā procesā, bet, sasagatavejūt catūrtajai kuortai, jaunīši īpazeis Annelis Slišānis dorbu “#100dečiLatvijai”. Olimpiadis ūtruo kuorta veļteita Sibira latgalīšim. Ir pīduovuots olūtu saroksts, kū izmontuot: atrast, pasavērt, laseit, analizēt.

Olimpiadis nūlykums i izmontojamūs olūtu saroksts

Print Friendly, PDF & Email

Nūtikšonu kalendars

Oct
3
Ūtr
19:00 Foto orientiešonuos “Vokora styga” @ Esplanade
Foto orientiešonuos “Vokora styga” @ Esplanade
Oct 3 @ 19:00 – 21:00
Latgalīšu kulturys kusteiba “Volūda” 3. oktobrī aicynoj studentus i tūs, kas vēļ sirdī jiutās studenti, īpazeit Reigys latgaliskuos vītys i pīsadaleit foto orientiešonuos pasuokumā “Vokora styga”.   Kab varātu pīsadaleit “Vokora stygā”, juoizveidoj komanda 2[...]
Oct
4
Tre
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Oct 4 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
Oct
5
Cat
12:00 Konference “Kultūra reģionos: ie... @ Latgolys viestnīceiba "Gors"
Konference “Kultūra reģionos: ie... @ Latgolys viestnīceiba "Gors"
Oct 5 @ 12:00 – Oct 6 @ 17:00
5.- 6. oktobrī Latgolys viestnīceiba “Gors” sadarbeibā ar Latvejis Kulturys akademejis Kulturys i muokslu institutu aicynoj iz konferenci “Kultūra reģionos: iespējas, izaicinājumi un perspektīvas”. Konferencis mierkis ir atsavērt i izviertēt, kai leidz ar regionalūs koncertzāļu[...]
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Oct 5 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]