Rokstu sagataveja: portals lakuga.lv

Sevkurs interesents leidz 28. februaram aicynuots pīsadaleit LKA Latvejis Kulturys koledžys studentu organizātā fotokonkursā “JAUNA ELPA”, kas veļteits rodūšajai videi i tī namiteigai kluotyn asūšajim izaicynuojumim i vajadzeibai pylnveiduotīs, informej konkursa organizatori. Dalinīku aizdavums ir radeit i īsyuteit fotografejis, kurom īdvasma jimta nu latgalīšu grupys “Bez PVN” dzīsmis “Jau ni mes”, tok konkursa organizatori gryb ļaut vaļu rodūšumam, nanūsokūt konkretuokus nūruodejumus.

Dzīsmē “Jau ni mes” teik apspālāti Zīmys saulgrīži i tys, kai senejūs laikūs myusu seņči dzīduodami i doncuodami guoja čyguonūs. Cīši svareigs tāls itam ritualam beja “nuove”. Ļauds ticēja, ka tuos sātys, kuruos nuove jau ir pabejuse, tyvuokuo gods laikā tei vaira naīs gostūs.

Aicynojūt izmontuot itū dzīsmi kai īdvesmis olūtu, konkursa organizatori gryb sekmēt atpazeistameibu i popularitati na tik pošai muzykys grupai, bet ari latgalīšu kulturai vysā Latvejis teritorejā, tai saglobojūt latvyskuos kulturtelpys unikalitati i boguoteibu vysā tuos daudzveideibā.

Konkursā ir aicynuots pīsadaleit sevkurs, naatkareigai nu fotografiešonys muokys i pīredzis, daleibai konkursā īsnādzūt fotografeju i aizpyldūt elektroniskū pīsacejuma anketu ITE.

Piec konkursa tiks organizāta vyslobuok nūvārtātū fotografeju izstuodis atkluošona i tūs autoru apbolvuošona. Izstuodis atkluošona nūtiks 11. martā Latvejis Kulturys koledžā. Taipat ari vyslobuokū viertiejumu sajāmušuos fotografejis tiks īkļautys ceļojūšajā izstuodē, par kurys atsarasšonys vītom piečuok tiks publicāta informaceja Facebook lopā “JAUNA ELPA”.

Fotokonkursa nūlykums i detalizātuoka informaceja daīmama ITE.